Քաղաքական
17.11.2019 / 20:00
Ռետրո սատիրիկոն
17.11.2019 / 13:00
Լուր-մեկնաբանություն
17.11.2019 / 10:15
Ձեռագրերը չեն այրվում
17.11.2019 / 10:00
Աստղագուշակ
16.11.2019 / 22:00
17.11.2019   21:30
776

Երեկ ուրիշ բան էր ասում, այսօր՝ ուրիշ

ՀՀԿ փոխնախագահ Արմեն Աշոտյանն իր ֆեյսբուքյան էջում անդրադառնալով ԱԱԾ պետ Արթուր Վանեցյանի պաշտոնանկությանը (կամ՝ հրաժարականին), գրել է.

«Կարող եմ կռահել, թե ինչը/ինչերն են եղել իշխանության ամենաբարձր վարկանիշներից մեկը ունեցող մարդու հրաժարականի պատճառները:

Հրաժարականի տեքստը բաց նյարդ է, պետության ճակատագրի հանդեպ ունեցած անհանգստությունների խտակույտ:

Մտահոգ մարդկանց թիվն ավելանում է օրեցօր: Հայրենիքի ներկայի և ապագայի նկատմամբ սրտացավությունն ու սեփական պատիվը քաղաքական տարաձայնություններ չի ճանաչում»:

ՉԻ. Վերջ: Ընդամենը մեկ տարի առաջ Արթուր Վանեցյանը նախկին իշխանավորների կարծիքով, ընդամենը գործիք էր Նիկոլ Փաշինյանի ձեռքում, պատվեր կատարող, խամաճիկ, կամազուրկ և այլն: Նրա բիզնեսներն էին քննարկում, հայտարարում, որ Վանեցյանը քաղաքական պատվերներ է կատարում՝ նախկին պաշտոնյաների բիզնեսներում ստուգումներ անելու, ձերբակալություններ իրականացնելու համար:

Իսկ հիմա՝ աշխարհի ամենապետականամետ գործիչը դարձավ: Ամենաբարձր վարկանիշ ունեցողը, միակ մարդը, որը մտածում է հայրենիքի մասին: Մինչև հիմա նրա մասին ինչ ասել էին Աշոտյանն ու իր թիմակիցները, ընկնում է «ամնիստիայի» տակ: 

Այսինքն, հանրապետականների կարծիքով, կոռումպացված, թույլ, կամազուրկ պաշտոնյա համարվող ցանկացած ոք հենց հրաժարական տա, ուրեմն՝ ազնիվ ու հայրենասեր մարդ է:



 Պիտակներ

         Արմեն Աշոտյան, Արթուր Վանեցյան

Գովազդ