Նոյեմբերի 12-ին որոշում է կայացվել Ազգային ժողովի աշխատակազմի ղեկավարի նախկին տեղակալ Արսեն Բաբայանի նկատմամբ կիրառված խափանման միջոց կալանավորումը փոփոխելու և նրա նկատմամբ որպես խափանման միջոց անձնական երաշխավորությունը կիրառելու վերաբերյալ:
Այսպիսով, Արսեն Բաբայանը անազատության մեջ մնաց մոտ երեք շաբաթ: Ի սկզբանե մենք չենք էլ ողջունել նրա կալանավորումը՝ համարելով, որ դա սխալ ճանապարհ է: Բայց դա չէր խանգարում, որ քոչարյանական քարոզչամեքենան թմբկահարեր հալածանքների, 37 թվի, տեռորի մթնոլորտի մասին:
Իսկ ահա նկարում հարյուրավոր քաղբանտարկյալների մի մասն է: Քաղբանտարկյալներ, որոնք տարիներ շարունակ կեղծ մեղադրանքներով, կեղծ վճիռներով անցկացրել են բանտերում: Որոնց միակ մեղքը եղել է պայքարը հանուն ժողովրդավարության և արդարության: Ու հետաքրքիր է, այսօր 37 թվից զառանցողները այս քաղբանտարկյալների հանդեպ տեռորը ինչպե՞ս կբնորոշեին, ի՞նչ թվով կնկարագրեին: Եվ ընդհանրապես, այս մարդկանց ազատության համար գոնե մի րոպե պայքարել ե՞ն:
«Չորրորդ իշխանություն», թիվ 9, 2019