Սատիրիկոն
15.12.2019 / 10:45
Լուր-մեկնաբանություն
15.12.2019 / 10:45
Լուրեր
15.12.2019 / 10:15
Տնտեսական
15.12.2019 / 10:00
Լուր-մեկնաբանություն
15.12.2019 / 09:45
26.11.2019   11:45
669

Վարչապետի էջը կկլանի Լիստ էյեմը

«Խնդրում եմ հնարավորինս շատ տարածել

Սիրելի հայրենակիցներ. ավտոմեքենաների հնամաշ թափքերը (կմախքները) որպես մետաղի ջարդոն հանձնելու հարցերով կարող եք դիմել հետևյալ հասցեներով: 

1. Երևան

- Այվազովսկու 4/2
- Արտաշատյան խճուղի 5/1
Հեռախոս՝ 091-41-59-36

2. Գյումրի

- Գյումրու կայարանամերձ տարածք, հեռ. 077-41-99-51
- Շարա Տալյան 7/2, հեռախոս 093-85-89-99

3. Վանաձոր

Հյուսիսային փ. 14, հեռախոս 093-41-81-16

4. Մասիս

Սայաթ Նովա 15, հեռախոս 093-24-03-32

5.Չարենցավան

Երևանյան 2, հեռախոս 098-89-92-73

Բոլոր նշված հասցեներում մեքենաների չկտրտված կմախքները գնվում են 1 տոննան 10-12 հազար դրամով: Գնումը կատարում է «Մետեքսիմ» ՍՊԸ-ն:

Ուշադրություն - Բոլոր այն դեպքերում, երբ մի տեղում կուտակված կլինեն ոչ պակաս քան 12 ավտոմեքենայի կմախք, ընդունող կազմակերպության տեխնիկան կմոտենա տվյալ տարածքին և կիրականացնի ավտոմեքենաների կմախքների տեղափոխումը:

Առավել մանրամասն տեղեկություններ կարող եք ստանալ վերը նշված հեռախոսահամարներով: Եթե զբաղված լինի, ավելի ուշ զանգեք: Դա նշանակում է շատերն են զանգում:))»:

Ուզում եք հավատացեք, ուզում եք՝ ոչ, բայց գրառումը վերցված է վարչապետի ֆեյսբուքյան էջից: 

«ՉԻ». Չենք զարմանա, եթե շուտով Լիստ էյեմը հայտարարություն տարածի, թե փոխում է իր հասցեն և կայքը միացնում է վարչապետի ֆեյսբուքյան էջին: Կշահեն բոլորը՝ թե՛ վարչապետը, քանի որ կշատանա հետևորդների թիվը, թե՛ Լիստ էյեմը, քանի որ վարչապետի էջի հետևորդները մեխանիկորեն կայցելեն նաև իրենց էջ և նաև հասարակ օգտատերերը՝ համատեղելով երկուսը մեկում:

Մի փոքր ղազախների և հնդիկների համար անհարմար կլինի, քանի որ տուն և մեքենա փնտրելուն զուգահեռ ստիպված կլինեն հետևել նաև Հայաստանի կառավարության նիստերին ու քյալլա կտրելու մանրամասներին: Բայց դե առաջնահերթ պետք է մտածել հայաստանցիների հարմարավետության մասին, ինչը անում է վարչապետը:

Ֆինանսական մեծ հոսքեր կապահովի նաև բուքմեյքերների գովազդի տեղադրումը վարչապետի լայվերի ընթացքում: Դրանով նաև լուրջ վնաս կհասցվի Միքայել Մինասյանի տիրապետության տակ գտնվող օնլայն լրատվամիջոցներին: Նրանք կզրկվեն փեսայից օրինական ճանապարհով սուբսիդավորվելու պրակտիկայից:

Առաջիկայում կարելի է նաև մտածել, որ օգտատերերը ծանուցումներ ստանան վարչապետի էջից՝ իրենց բակեր այցելող ժավել վաճառողներից ու դանակ-մկրատ սրողներից: Աղմուկը կվերանա, բայց ոչ ոք չի կորցնի նրանց ծառայություններից օգտվելու պահը:



 Պիտակներ

         Նիկոլ Փաշինյան

Գովազդ

Ամենաընթերցված























«ՉԻ» ռիթմով
«ՉԻ» ռիթմով
02.12.2019 / 1497