«Բարգավաճ Հայաստան» կուսակցությունը հայտարարել է ԲՀԿ քաղաքական դպրոց ընդունելության մասին: Դասընթացները տևելու են 6 ամիս: Դասընթացը հաջողությամբ անցած և լավագույն դրսևորում ցուցաբերած մասնակիցները կստանան հնարավորություն պրակտիկա անցնելու ՀՀ Ազգային ժողովում: Դասընթացների ավարտին մասնակիցները կստանան հավաստագրեր, որոնք կհանձնի անձամբ ԲՀԿ նախագահ Գագիկ Ծառուկյանը:
«ՉԻ». Տեղ հասանք: Մեծ հաշվով, եթե ՀՀԿ-ն ունի իր քաղաքական դպրոցը, ապա ինչո՞ւ ԲՀԿ-ն չունենա: Ումի՞ց են պակաս:
Մենք կարող ենք ենթադրել, թե ԲՀԿ դպրոցում ինչ են դասեր են սովորեցնելու աշակերտներին, ինչ առարկաներ:
1. ԲՀԿ-ի անուրանալի դերը հայոց պետականության կայացման գործում՝ 6 ժամ:
2. Գողական կյանքի առավելությունները ընտրական գործընթացներում՝ 12 ժամ:
3. «Օրենքով գողերի» բանակցային հմտությունները՝ տարածաշրջանային հիմնախնդիրների լուծման ժամանակ՝ 10 ժամ:
4. Արաբական շեյխերի և գահաժառանգների ներդրումային պոտենցիալի օգտագործումը՝ 8 ժամ:
5. ԲՀԿ առաջնորդի թիկնազորը՝ օրենսդրական գործունեության առանցքային էտապ՝ 24 ժամ:
6. Ավանդական ընտանիքի, օջախի և ադաթների պահպանումը՝ իրանա-ամերիկյան հարաբերությունների սրման դեպքում՝ 14 ժամ:
7. ԲՀԿ առաջնորդի քաղաքական ուսմունքների և գրական ժառանգության ուսումնասիրություն՝ 36 ժամ:
Շտապե՛ք, տեղերն անսահմանափակ են: