Նիկոլ Փաշինյանը ֆեյսբուքի իր էջում գրել է. «Մեր նահատակների հիշատակի նկատմամբ մեր հարգանքի ամենամեծ դրսևորումը պիտի լինի ապրող, զարգացող խաղաղություն ապահոված, խաղաղ զարգացման դարաշրջան ստեղծած Հայաստանի Հանրապետությունը: Այս ուղերձն ունի «Հայաստանի Հանրապետության վարչապետի գավաթ» սիրողական խճուղային հեծանվավազքի նախաձեռնությունը:
Շնորհակալ եմ մրցույթի բոլոր մասնակիցներին»:
«ՉԻ». Այս դեպքի համար է ասված՝ կենաց ասել չգիտես, մի՛ ասա:
Կիրակի օրով մարդիկ որոշել են առողջ ապրելակերպ վարել, դուրս են եկել հեծանիվ քշելու: Ի՞նչ կապ ունի հեծանիվը, առողջ ապրելակերպը մեր նահատակների հիշատակի հետ: Չի կարելի այս աստիճան ցինիկանալ:
Վաղը որևէ նորաբաց խաղերի այգի կայցելես ու կհայտարարես, թե հանուն նահատակների ես «Չոռտվի կալեսո» կամ մեկ այլ կարուսել նստում:
Իսկ եթե գտնում ես, որ հեծանիվ քշելը խաղաղ զարգացման դարաշրջան բացելու ապացույց է, ապա շատ ճիշտ ես անում, որ ցանկանում ես հանդիպել Էրդողանի հետ: Նա հրապարակավ կխոստանա ու կպահի խոստումը՝ հայերը հեծանիվ քշելու իրավունք կունենան, ոչ մի նոր ադմինիստրացիա չի վերացնի նրանց այդ իրավունքը:
Հ.Գ. Պատահական չէ, որ ոչ մի խորհրդական երկար չկարողացավ մնալ Փաշինյանի կողքին: Ինֆարկտի կամ ինսուլտի բուն է այս մարդը: