Սատիրիկոն
15.12.2019 / 10:45
Լուր-մեկնաբանություն
15.12.2019 / 10:45
Լուրեր
15.12.2019 / 10:15
Տնտեսական
15.12.2019 / 10:00
Լուր-մեկնաբանություն
15.12.2019 / 09:45
19.11.2019   10:00
779

Մեկ տարում խեցգետնի պաշարները կրճատվել են մոտ տասն անգամ

Մտահոգիչ ցուցանիշ

Մեկ տարվա ընթացքում Սևանա լճում խեցգետնի պաշարները կրճատվել են մոտ տասն անգամ: Այս մասին «ՉԻ»-ի հետ զրույցում տեղեկացրեց Գիտությունների ազգային ակադեմիայի Հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը: Խեցգետնի պաշարների ուսումնասիրության արդյունքները Էվելինա Ղուկասյանը դեռ հաշվարկում է, բայց նախնական տվյալներն արդեն իսկ մտահոգիչ են:

Խեցգետնի պաշարների կտրուկ նվազման երկու պատճառ կա՝ որսն ու խեցգետիններին պատուհասած հիվանդությունը: Հիդրոէկոլոգիայի և ձկնաբանության ինստիտուտի տնօրենի խոսքով՝ խեցգետինների շրջանում տարածված է ժանգախտն հիվանդությունը, որն ախտահարում է կենդանու խեցին՝ առաջացնելով ժանգագույն խոցեր:  

«Այս տարի միանգամից կրճատվեց թվաքանակը, որովհետև ժամանակի հետ վարակված կենդանիները սկսեցին սատկել, իսկ չինական որսագործիքներն էլ պակասը լրացրեցին, ինչ-որ կար ամբողջը հանեցին ջրից: Որսագործիքների որսունակությունը գրեթե տասն անգամ ընկել է: Արդյունքները մտահոգիչ են»,- հայտնեց նա:

Նման հիվանդության դեմ պայքարի միջոցներ հայտնի չեն:  Հետազոտությունները կատարվում են ՀՀ շրջակա միջավայրի նախարարության մրցույթի շրջանակներում և դեռ նախորդ հաշվետվության մեջ ձկնաբանության ինստիտուտի փորձագետները հիվանդության մասին տեղեկացրել են նախարարությանը:

«Հարցն այն է, որ մենք հիվանդության մասին դատում ենք որսագործիքով որսված կենդանիների միջոցով: Այդ ընթացքում, երբ կենդանին շատ հիվանդ չէ, մտնում է որսագործիք, իսկ հատակում չգիտենք, թե ինչ է կատարվում:

Եթե կենդանին արդեն թուլացած է հիվանդությունից, նա սնվելու էլ չի գնում, որ մենք չափումներ անենք, բայց վարակը կա»,- շեշտեց նա:

Գերորսն իր սև գործն արել  է

Մյուս կողմից էլ, գերորսն է իր սև գործն արել: Չնայած նախորդ տարի սահմանվել էր, որ միայն 350 տոննա խեցգետնի որսի թույլտվություն կա, բայց Էվելինա Ղուկասյանի պնդմամբ՝ այդ թիվն արդեն մի քանի անգամ գերազանցվել է:

«Եթե մի ժամանակ, 2 օր թակարդներ դնելով բռնում էին 4-8 կիլոգրամ խեցգետին, ապա հիմա 20 օրով դնում են և 4 կիլոգրամ են բռնում: Դա չտեսնված բան է»,- նկատեց  Հիդրոէկոլոգիայի և ձկնաբանության ինստիտուտի տնօրենը:

Երբ Սևանա լճում խեցգետնի պաշարների ուսումնասիրության արդյունքները վերջանականապես ամփոփվեն, Հիդրոէկոլոգիայի և ձկնաբանության ինստիտուտի տնօրենը պատրաստվում է առաջարկով հանդես գալ: Գոնե 2 տարով դադարեցնել խեցգետնի որսը Սևանա լճում:

Մանյա Պողոսյան



 Պիտակներ



Գովազդ

Ամենաընթերցված























«ՉԻ» ռիթմով
«ՉԻ» ռիթմով
02.12.2019 / 1497