Քոչարյանը և Սարգսյանը շտապում են. պետք է օգտվել դրանից - 9 Դեկտեմբերի 2019 - 4rd.am
Աստղագուշակ
18.01.2020 / 22:00
Երազահան
18.01.2020 / 21:00
4rd.am на русском
18.01.2020 / 20:30
Քաղաքական
18.01.2020 / 20:00
Տնտեսական
18.01.2020 / 19:00
Տնտեսական
18.01.2020 / 17:30
09.12.2019   11:30
2768

Քոչարյանը և Սարգսյանը շտապում են. պետք է օգտվել դրանից


Քաղաքական դաշտում հեղափոխությունից հետո գրեթե ոչինչ չի փոխվել: Միայն հիմնական դերակատարներն են փոխվել տեղերով: Հեղափոխություններին հատուկ քաղաքական դաշտի ամբողջական տրանսֆորմացիա, մերժված ուժերի թատերաբեմից հեռանալ և իրավիճակին բնորոշ այլ փոփոխություններ տեղի չեն ունեցել:

2018 թվականի ապրիլ-մայիսին տեղի ունեցած իրադարձությունները շատ արագ հանգուցալուծվեցին, և որոշ ուժեր կարողացան խնամքով թաքցնել իրենց էությունը՝ հետագայում ռևանշի ուժերին ծառայելու նպատակով: Սկզբում նրանք փորձեցին թիկունք կանգնել Սերժ Սարգսյանին՝ երրորդ ճանապարհ փնտրելով կամ փողոցի շարժումը օրենքից դուրս հայտարարելով, բայց օրեր անց հասկացան՝ պարտիան տանուլ է տրված: Դա նաև բխում էր նախկին ռեժիմի շահերից, քանի որ այդ ուժերի բացահայտ օգտագործումը նրանց պարզապես դարձնելու էր թնդանոթի միս, գործածության համար այլևս անպիտան: Հայտնի կլանը որոշեց նրանց օգտագործել այլ տեղում: Նրանք գործուղվեցին կառավարություն, որպեսզի ներսից խոչընդոտեն և սաբոտաժի ենթարկեն նոր իշխանությունների քաղաքականությանը: Բայց հոկտեմբերին տակտիկական սխալ արեցին հաշվարկների մեջ, ինչից օգտվեց իշխող ուժը և նրանց դուրս մղեց կառավարությունից: Վերջին ուժը՝ «Լուսավոր Հայաստանը», ընդամենը երկու ամիս ավել մնաց կառավարությունում և ընտրությունների արդյունքում վերադարձավ ի շրջանս յուր: 

Եթե 2018-ի գարնան իրադարձությունները մի փոքր երկարեին, իսկ Փաշինյանը չձգտեր օր առաջ վերցնել իշխանությունը, այդ ուժերը ավելի մեծ թափով էին վարկաբեկվելու և ավելի լուրջ իմիջային կորուստներ էին արձանագրելու: Ճիշտ է, այսօր զավեշտալի է հնչում Նաիրա Զոհրաբյանի արտահայտությունը, թե «մենք չլինեինք, Նիկոլը վարչապետ չէր լինի», բայց վերոհիշյալ սցենարի դեպքում անգամ այդ խոսքերը չէին լինի: 

Վերջին մի քանի օրերին ակներև դարձավ՝ Ռոբերտ Քոչարյանը և Սերժ Սարգսյանն այլևս ժամանակ և ռեսուրս չունեն տուն-տունիկ խաղալու ու այդ ուժերին հնարավորություն տալու որպես խորհրդարանական ցիվիլ ընդդիմություն ներկայանալու համար: Եվ նրանց ստիպեցին տարբեր ճակատներով անցնել հակահարձակման՝ ներդրում, կոռուպցիա, հայոց լեզու և այլն: Գործող իշխանությունը կպարտվի, եթե միայն պաշտպանվի: 2018-ին բաց թողնված պահը ներկայումս պետք է իրագործվի: Դաշնակցությունում տիրող բարքերը, այն է՝ ներքին տեռորը կուսակիցների հանդեպ, ոչ թե պետք է դառնա իշխանության ներկայացուցիչների հումորի առարկա, այլ արժանանա իրավապահ մարմինների ուշադրությանը: Ծառուկյանի բիզնեսը պետք է ենթարկվի տոտալ ստուգումների, և հասարակությունը հասկանա նրա իրական կշիռը Հայաստանի տնտեսության մեջ: 

Արիս Վաղարշակյան



 Պիտակներ

         Արիս Վաղարշակյան




Գովազդ
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Մշակութային հեղափոխություն չի լինելու
››› Տաշիրյան սարդոստայն
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված








Գործակալ 00
Գործակալ 00
01.01.2020 / 5891




Գործակալ 00
Գործակալ 00
01.01.2020 / 5348