Սատիրիկոն
07.08.2020 / 15:00
Լուր-մեկնաբանություն
07.08.2020 / 13:30
Քաղաքական
07.08.2020 / 11:30
Լուր-մեկնաբանություն
06.08.2020 / 22:00
Քաղաքական
06.08.2020 / 20:00
28.12.2019   22:00
4583

2020 թվականի աստղագուշակը


ԽՈՅ 

Մինչև փետրվարի կեսն արժե զգույշ լինել: Մարտը կուրախացնի հաջող զուգադիպություններով: Մայիսի վերջը դրական փոփոխություններ է խոստանում կյանքի բոլոր բնագավառներում: Հունիսը հաջող կդասավորվի ուսանողների համար:

Հուլիսից բարդ շրջան կսկսվի: Սեպտեմբերը ֆինանսական վիճակը բարելավելու, շահավետ գործարքներ կնքելու հնարավորություն կտա: Սա բարենպաստ ժամանակահատված կլինի անշարժ գույք ձեռք բերելու համար: Դեկտեմբերն անպայման կուրախացնի: Այս ամսին կփոխվի ձեր շրջապատը: 

ՑՈՒԼ 

Ձեզ լավ տարի է սպասվում: Հատկապես բարենպաստ ու անամպ կլինի տարվա առաջին կեսը: Փետրվարին կվշտացնի գործերում կանգառը, անհապաղ հաջողության հասնելու անհնարինությունը: Մարտից հունիսը կկարողանաք շատ գործերում հաջողությունների հասնել, այդ թվում՝ նրանցում, որոնք առաջ ձեզ չէին տրվում: Իսկ ահա օգոստոսին արժե ուշադիր լինել:

Հոկտեմբերին գործերը շատ ժամանակ կխլեն: Նոյեմբերն ու դեկտեմբերը հաջող կդասավորվեն: Բազմաթիվ հետաքրքիր գործեր կլինեն, իսկապես կտարվեք նրանով, ինչով կզբաղվեք: Կհանդիպեք մարդկանց, ովքեր կարևոր դեր կխաղան ձեր կյանքում:

ԵՐԿՎՈՐՅԱԿՆԵՐ 

Տարին շատ հակասական ու անհարթ կսկսվի: Հունվարյան իրադարձությունները կստիպեն ձեզ մտածել՝ արդյոք ճիշտ ուղի եք ընտրել: Փետրվարը ոչնչով ավելի լավը չի լինի: Գարունը բարենպաստ կլինի նոր ծանոթությունների համար:

Ամառը կստիպի հուզվել: Դա բարդ ժամանակ կլինի աշխատանքի ու ուսման համար: Չի բացառվում՝ սեպտեմբերը նույն ձևով դասավորվի: Հոկտեմբերն ավելի հեշտ կլինի: Տարվա վերջին ամիսները նոր հնարավորություններով լի կլինեն: Նշանակալիորեն դեպի լավը կփոխվեն գործնական ու անձնական հարաբերությունները:

ԽԵՑԳԵՏԻՆ 

2020 թվականի սկզբում արժե ուշադիր լինել, նրա առաջին ամիսները հեշտ չեն լինելու: Շատ բան կախված կլինի ինքնատիրապետումից: Ավելի բարենպաստ շրջան կսկսվի ապրիլի կեսից: Իհարկե, բոլոր խնդիրները միանգամից չեն լուծվի, ամեն ինչ ինքն իրեն լավագույն ձևով չի դասավորվի: 

Հոկտեմբերի առաջին օրերին դրական միտումների ազդեցությունն ու գործնական ակտիվությունը կնվազեն: Տարվա վերջն այնքան էլ արդյունավետ չի լինի: Փոխարենը մի քանի հանգիստ ամիսների ընթացքում կկարողանաք վերականգնել ուժերը, լուծել տնային հարցերը, հոգ տանել ձեր ու մտերիմների մասին:

ԱՌՅՈՒԾ 

Տարվա սկիզբը բարենպաստ է: Մարտն ու ապրիլը լարված կլինեն: Այս ամիսների համար լուրջ ու կարևոր բան մի ծրագրեք, քանի որ փոքրիկ գործերը մեծ ուժեր են խլելու: 

Հունիսին ամեն ինչ կհեշտանա, չնայած՝ որոշ խնդիրներ կհիշեցնեն իրենց մասին: Մինչև տարեվերջ կհասցնեք հետաքրքիր ու անսովոր բաներ անել, եթե հնարամիտ ու վճռական լինեք, չվախենաք խախտել ավանդույթները: Դեկտեմբերին կարևոր կլինի ինքներդ ձեզ լսելը: Այդ ամսին ձեր որոշումներից ու արարքներից շատ բան կախված կլինի:

ԿՈՒՅՍ

Տարին լավ կսկսվի: Հատուկ ուշադրություն պետք է դարձնեք մարտին: Այդ ամիսը գործերում իսկական բեկում մտցնելու հնարավորություն կտա: Ապրիլից բացասական միտումների ազդեցությունը կուժեղանա և մինչև սեպտեմբեր պետք է պայքարեք դրանց դեմ: Շատ բան սովորականից դժվարությամբ կտրվի: 

Ամենամեծ հաջողություններ խոստացող շրջանը կսկսվի հոկտեմբերին: Հաճելիորեն կզարմանաք այն հնարավորություններից, որոնք ձեր առջև կբացվեն: Այդպիսի հնարավորությունները շատ կլինեն և՛ գործնական, և՛ անձնական հարաբերությունների ոլորտներում: 

ԿՇԵՌՔ 

Բարենպաստ, բայց անհանգիստ տարի է լինելու: Շատ բան կախված կլինի նրանից, թե որքան արագ կկարողանաք մի գործից մյուսին անցնել: Դա հատկապես ակներև կլինի 2020-ի առաջին կեսին, երբ իրավիճակը հաճախ կփոխվի, առաջնահերթություններն էլ կփոխվեն: Տարվա առաջին կեսի իրադարձությունները կազդեն կյանքի նկատմամբ ձեր վերաբերմունքի վրա: Դուք շատ բաների այլ կերպ կնայեք: 

Տարվա երկրորդ կեսը մի փոքր թուլանալու հնարավորություն կտա: Աստղերի աջակցությունը նկատելի կդառնա:
Ամենահետաքրքիրը այն հանդիպումներն են լինելու, որոնք սպասվում են 2020-ի վերջին ամիսներին: Հենց դրանց շնորհիվ կհասկանաք, որ ճիշտ որոշումներ եք ընդունել:

ԿԱՐԻՃ

Հունվարի սկզբին ձեզ մի քանի տհաճ պահեր են սպասվում: Փետրվարը, մարտն ու ապրիլը հաջող կդասավորվեն: Շրջապատողները ավելի շատ կվստահեն ձեզ, հաճախ կկիսվեն գաղտնիքներով ու հետաքրքիր առաջարկներ կանեն: Մայիսից ավելի բարդ շրջան կսկսվի: Այն կարող է մինչև աշնան կեսը ձգվել, բայց պետք չէ հուսահատվել: 

Հերոսությունների ու բարդ, բայց կարևոր հաղթանակների շրջանը կսկսվի հոկտեմբերից ու կձգվի մինչև տարվա վերջ: Մի քանի ամսվա ընթացքում շատ բան պետք է սովորեք, վերանայեք ձեր վերաբերմունքը սովորական թվացող բաների հանդեպ: 

ԱՂԵՂՆԱՎՈՐ 

Տարին բարենպաստ կսկսվի: Որոշ Աղեղնավորներ կհասկանան, որ պատրաստ են փոխել գործունեության ոլորտը: Ավելի դժվար կլինի մարտից օգոստոս ընկած հատվածում, քանի որ այդ շրջանում շատ բան պետք է հասցնեք անել: 

Տարվա վերջը խոստանում է հանգիստ, թեթև ու ուրախ լինել: Այդ հատվածում ցանկությունները կկատարվեն, ձեզ մոտ լավ կստացվի այն, ինչ առաջ չէր հաջողվում անել: Նոր հեռանկարներ կբացվեն մասնագիտական ոլորտում: Անձնական հարաբերություններն էլ ներդաշնակ կլինեն, բողոքելու պատճառներ չեք ունենա:

ԱՅԾԵՂՋՅՈՒՐ 

Տարին անհանգիստ, բարդ, հետաքրքիր և թևեր տվող կլինի: Հաստատ չեք ձանձրանալու: Մինչև ապրիլ տեղեկատվություն հավաքեք, շփվեք տարբեր մարդկանց հետ, ոչ ստանդարտ լուծումներ փնտրեք: Մայիսից օգոստոս ձեզ լարված շրջան է սպասվում: Պետք է միաժամանակ բազմաթիվ որոշումներ ընդունեք, իսկ դա ձեզ դուր չի գա:

Մնացած ամիսները բարենպաստ են, բայց դրանք էլ թույլ չեն տա պարզապես թուլանալ ու ոչինչ չնախաձեռնել. պետք է աշխատեք, ընդ որում՝ ավելի շատ, քան նախատեսել էիք: Բայց այստեղ չեք բողոքի: Նպատակը մոտ է:

ՋՐՀՈՍ 

Տարվանից շատ բան սպասելը սխալ կլինի: Եթե ձեզ հաջողվի բռնել ալիքն ու ժամանակին գործել, շատ բան ավելի հեշտ կդասավորվի: Առաջին շրջանը, երբ կարող են նման հնարավորություններ բացվել, մարտի կեսին կլինի: Մայիսն ու հունիսի սկիզբը իրենց ձևով լավը կլինեն: Այս շրջանի կենտրոնում անձնական հարաբերությունները կլինեն: 

Եվս մեկ ամիս, երբ կարող եք հաջողության հասնել, հոկտեմբերն է: Ամենայն հավանականությամբ, խոսքն այստեղ ֆինանսական հաջողության մասին կլինի: Մնացած ամիսները ոչ այնքան վատը, որքան հոգնեցուցիչ կլինեն: 

ՁԿՆԵՐ 

Տարին հակասական ու ոչ միանշանակ կլինի, և դա ձեզ դուր կգա: Տարին կսկսվի աշխատավայրում բարդ իրավիճակներից: Համարյա ողջ գարունը կանցնի հետաքրքիր, գրավիչ, ժամանակ առ ժամանակ հոգնեցուցիչ աշխատանքի մեջ: Մի մոռացեք հոգ տանել ձեր մասին: 

Հունիսն ու հուլիսը չեն արդարացնի ձեր ակնկալիքները, իսկ ահա օգոստոսը իսկապես լավը կլինի: Կկարողանաք հրաշալի ժամանակ անցկացնել, ինչ-որ մեկի հետ ծանոթանալ: Տարվա մնացած մասը լավն է անշտապ, թուլացած, բայց նպատակաուղղված անելու այն, ինչն օգտակար է ձեր ու մյուսների համար: 

«Չորրորդ իշխանություն», 15, 2019



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Չորրորդ իշխանություն


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





Երգիր, որ չկռվես




«ՉԻ» ռիթմով
«ՉԻ» ռիթմով
01.08.2020 / 1027















Ստոպ-կադր
Ստոպ-կադր
01.08.2020 / 596















Մարգոյի ամոթը
Մարգոյի ամոթը
06.08.2020 / 363


В ритме «ЧИ»
В ритме «ЧИ»
01.08.2020 / 342