26.09.2019   09:00
4718

Աղմկոտ սպանությունների հիմնական շահողը պարզ է


ՀՀ նախկին ոստիկանապետ Հայկ Հարությունյանի մահվան դեպքից հետո քոչարյանա-դաշնակցական քարոզչամեքենան անմիջապես ամբողջ թափով գործի անցավ՝ շրջանառության մեջ դնելով այն թեզը, թե Հ. Հարությունյանի մահը իշխանությունների մեղքով է եղել, որ նախկին ոստիկանապետին ճնշել են, որ նրա մահը ձեռնտու էր իշխանություններին, քանի որ մարտի 1-ի գործով դատավարությունում կարող էր ցուցմունքներ տալ, որոնք ապացուցելու էին, որ Քոչարյանը մարտի 1-ի սպանդի հետ կապ չունի:

Սա, բնականաբար, բազմիցս փորձարկված հնարք է, որն անհրաժեշտության դեպքում կիրառում է քոչարյանա-դաշնակցական քարոզչամեքենան:

Որպես կանոն, նման ողբերգական դեպքերում միշտ այդ հարցն է առաջանում. ո՞ւմ էր դա ձեռնտու: Ամեն մեկը բերում է իր փաստարկները, թե սա ձեռնտու էր հակառակ կողմին: Ինչպես՝ Հայկ Հարությունյանի դեպքում: 
Եկեք մի հատ պատմական էքսկուրս կատարենք և տեսնենք՝ նորանկախ Հայաստանի պատմության մեջ ամենաաղմկոտ ողբերգական դեպքերից ով է շահել:

Թերևս, սկսենք Արթուր Մկրտչյանի սպանությունից: Վերջինս 1992թ. հունվարին  ընտրվեց Լեռնային Ղարաբաղի Հանրապետության Գերագույն խորհրդի առաջին նախագահ: Ապրիլին՝ առ այսօր չպարզված հանգամանքներում սպանվեց: Այն ժամանակ դեպքը սպանություն էր որակում դաշնակցական մամուլը: Հետո դա որակեցին դժբախտ դեպք, զենքի հետ անզգույշ վարվելու հետևանք, բայց փաստը մնում է փաստ. Արթուր Մկրտչյանի մահից շահեց Ռոբերտ Քոչարյանը: Վերջինս խիստ ծանր էր տանում ԼՂՀ ԳԽ նախագահի ընտրություններում իր խայտառակ պարտությունը, որևէ հեղինակություն չուներ Արցախում, մեկ էլ հանկարծ՝ Արթուր Մկրտչյանը զոհվում է, ու ինքը դառնում է Արցախի ղեկավար: Քանի որ ԼՂՀ Գերագույն խորհրդում նա աջակցություն չուներ, ստեղծվեց Պաշտպանության պետական կոմիտե, որի նախագահ դարձավ Ռ. Քոչարյանը և մինչև 1997 թվականի սեպտեմբերը Արցախի միանձնյա ղեկավար եղավ: 

1998թ. փետրվարյան հեղաշրջումը. շահողը Ռ. Քոչարյանն էր, որ պալատական ինտրիգների, շանտաժի և կեղծիքների միջոցով դարձավ Հայաստանի ղեկավար: 

1999թ. հոկտեմբերի 27-ի ոճրագործությունը. միակ շահողը եղան Ռոբերտ Քոչարյանն ու Սերժ Սարգսյանը: Մինչ այդ կայացած խորհրդարանական ընտրություններից հետո Հայաստանի փաստացի ղեկավար դարձավ Վազգեն Սարգսյանը, իսկ Քոչարյանը ստացավ անգլիական թագուհու կարգավիճակ և Հայաստանի ներքաղաքական իրավիճակի վրա ազդելու լծակներից գործնականում զրկվեց: Շատ «ճիշտ» ժամանակին հայտնվեց Նաիրի Հունանյանը՝ իր խմբով, Վազգեն Սարգսյանն ու Կարեն Դեմիրճյանը սպանվեցին, որից հետո Ռոբերտ Քոչարյան – Սերժ Սարգսյան զույգը Հայաստանում անսահմանափակ իշխանություն ձեռք բերեցին՝ այստեղից բխող աղետալի հետևանքներով: 

2008թ. մարտի 1-ի դեպքեր. այդ օրը՝ պաշտոնական վարկածով, ցուցարարների և իրավապահ մարմինների միջև բախումներում սպանվեց 10 մարդ: Շահած դուրս եկան Ռոբերտ Քոչարյանն ու Սերժ Սարգսյանը. երկրում մտցվեց արտակարգ դրություն, հարյուրավոր ընդդիմադիր գործիչներ, ակտիվիստներ ձերբակալվեցին, Քոչարյանը տանկերի ու սնայպերների պաշտպանությամբ իշխանությունը հանձնեց Սերժ Սարգսյանին: 

Սրանք դեռ ամենաաղմկոտ դեպքերն են. մենք դեռ չենք անդրադառնում Քոչարյանի օրոք մոտ քառասուն բարձրաստիճան պաշտոնյաների սպանություններին... ամեն սպանության հետ Քոչարյանի դիրքերը Հայաստանում ամրապնդվում էին, իսկ դաշնակցական-քոչարյանական քարոզչամեքենան ամեն դեպքից հետո շեփորում էր, թե սա ՀՀՇ-ի գործն է: 

Եվ այսպես. դաշնակցա-քոչարյանական քարոզչամեքենայի ձեռագիրը նույնն է, իսկ Հայկ Հարությունյանի դեպքից շահողը հաստատ իշխանությունը չի, քանի որ մահացավ մարտի 1-ի գործով առանցքային դերակատարներից և վկաներից մեկը:

Հ.Գ. Հայկ Հարությունյանն արդեն անհրաժեշտ ծավալով ցուցմունք էր տվել Մարտի 1-ի գործով տարվող նախաքննության ժամանակ: Այնպես որ, իշխանությունների համար նրան լռեցնելու կամ խոսեցնելու որևէ շահագրգռվածություն չկար:
 



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Հայկ Հարությունյան, Սերժ Սարգսյան, Ռոբերտ Քոչարյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին, լա՞վ եք
Տիկին, լա՞վ եք
22.04.2021 / 1507































Ցինիկ և տխմար
Ցինիկ և տխմար
13.04.2021 / 586






Ստոպ-կադր
Ստոպ-կադր
11.04.2021 / 557







Совет да любовь