01.09.2021   21:00
695

Անկախության օրով էլ են իրար գզում


Արցախի Ազգային ժողովի «Արդարություն» խմբակցությունը Արցախի անկախության օրվան ընդառաջ հայտարարություն է տարածել, որում նշված է մասնավորապես հետևյալը.

«Ցավով պետք է նշենք, որ վերջին 30 տարիների ընթացքում առաջին անգամ է, երբ Արցախը իր հանրապետության հռչակման օրը նշում է առանց հայաստանյան իշխանության բարձր ղեկավարության մասնակցության: Պետք է նշենք, որ առաջին անգամ է նաև, որ Արցախի իշխանությունները նույնպես չեն գտնվում իրենց բարձրության վրա: Առաջին անգամ է, որ պատգամավորներին հրավիրում են նիստի առանց խոսքի իրավունքի: Արցախի «Արդարություն» խմբակցությունն անընդունելի է համարում մասնակցել խորհրդարանական նման նիստի, որը, համաձայն «ԱԺ կանոնակարգ» օրենքի, չի կարող համարվել հատուկ նիստ, որտեղ չես կարողանալու քո դիրքորոշումը արտահայտել՝ ուստի Արցախի «Արդարություն» խմբակցությունը չի մասնակցելու այս նիստին»:

«ՉԻ». Նկատեցինք՝ Արցախի ԱԽ քարտուղար Վիտալի Բալասանյանին սատարած այս խմբակցության հայտարարությունը բավական խիստ քննադատության է արժանացել իշխանամերձ շրջանակների կողմից: Ասում են՝ ո՞վ է տեսել, որ քաղաքական ուժը նման դեմարշ անի, նման օրով, նման իրավիճակներում:

Ոմանք էլ գրել էին, թե Հայաստանի իշխանություններին քննադատելով ու մերժելով՝ ինչո՞ւ նույնկերպ չեք մերժումը Արցախին տրվող ֆինանսական օժանդակությունը և այլն:

Բանն այն է, որ «Արդարություն» խմբակցությունը հայտարարություն էր պատրաստել, որտեղ խիստ քննադատության է ենթարկել Հայաստանի իշխանություններին, նշել նրանց ձախողումները և մտադիր է եղել այդ հայտարարությունը հնչեցնել Արցախի ԱԺ հատուկ հրավիրված նիստում:

Մեր տեսակետը Վիտալի Բալասանյանի վերաբերյալ բոլորին է հայտնի: Շատ հարցերում նրա տեսակետները չենք կիսում: Բայց մեզ համար անհասկանալի է, թե ինչպես կարելի է խորհդարանի նիստ հրավիրել ու խմբակցությանը խոսքի իրավունքից զրկել: Այսպիսի բան առաջին անգամ ենք լսում: Թե բա՝ նիստում քննադատելու էին Հայաստանի իշխանություններին: Թող քննադատեին, խորհրդարանական խմբակցություն է, իրավունք ունի քննադատել էլ, գովել էլ... խորհրդարանը հենց դրա համար է, որպեսզի դիրքորոշում հայտնեին: Այսինքն, եթե այդ դիրքորոշումը տհաճ է, պիտի խոսելու իրավունք չունենա՞: Ուրեմն, ցրեք խորհրդարանը, այն իմաստազրկվում է:

Կամ էլ՝ խորհրդարանական նիստ չհրավիրեիք, անունը դնեիք՝ սիրուն միջոցառում, հավաք՝ առանց հատուկ հրավերների, նման խնդիր չառաջանար: 

Մյուս կողմից՝ որ «Արդարություն» խմբակցությունը քննադատել է Հայաստանի իշխանություններին, դա իրենց իրավունքն է, բայց Հայաստանի իշխանություններին հեռացնելու կոչերն արդեն իրենց գործը չէ: Արցախից Հայաստանի ներքին գործերին միջամտելն արդեն տեսել ենք, թե ինչ աղետալի հետևանքներ է ունեցել: Բարի եղեք, սահմանափակվեք քննադատությամբ: 

Թեպետ Անկախության օրը նշելու սիրտ չկա, բայց նույնիսկ մի փոքր միջոցառում էլ չեն կարողանում մարդավարի կազմակերպել ու նշել: Ոչ Հայաստանի ու Արցախի իշխանությունները, ոչ էլ՝ ընդդիմությունները: Անկախության օրը միասնականության խորհրդանիշ էլ է համարվում, իսկ այս դեպքում՝ իրար գզելու: 



 Պիտակներ

         Արցախ

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1285