Արմեն Սարգսյանը շարունակում է հանդիպումները հասարակության տարբեր խավերի և ներկայացուցիչների հետ: Նպատակն մեկն է՝ ելքեր փնտրել ստեղծված իրավիճակից դուրս գալու համար:
Ներկայացնենք առաջիկա շաբաթվա նրա հանդիպումների անոնսը:
Երկուշաբթի նախագահը կհանդիպի Աշտարակցի Ծգլի և նրա խմբավորման անդամների հետ: Թեման՝ ինչ գրեֆ կարող են անել համազգային համաձայնությանը:
Երեքշաբթի հանդիպում Դռիկ Խչոյի հետ: Թեման՝ մշակույթ:
Չորեքշաբթի հանդիպում մամուլի հետ: Թեման՝ այդ մարդը իրավունք ունի իմանալ, թե ինչ է կատարվում երկրում:
Հինգշաբթի հանդիպում գործազուրկների հետ: Թեման՝ ինչպես են վերաբերվում գործադուլին և ինչով կարող են օգնել այն ավելի ներկայացուցչական դարձնելու համար:
Ուրբաթ հանդիպում բախտագուշակների ասոցիացիայի ղեկավար կազմի հետ: Թեման՝ ինչ են կարծում, հաջորդ կառավարությունը ինչ ծրագրեր ունի իր ապագայի վերաբերյալ:
Շաբաթ հանդիպում պաղպաղակագործների արհմիության անդամների հետ: Թեման՝ ինչպես անել, որ ձմռանը չոտնահարվեն նրանց իրավունքները:
Կիրակի այց Վեսթմեսթերի անձնագրային բաժին: Գործը գործ, բայց անձնագրի երկարացման ժամկետի երկարացումը չի կարող սպասել: