Ձմեռ Պապ - Կենդանակերպի նշանը՝ Սանտա-Կլաուս:
Այս համաստեղության տակ ծնվածների համար շաբաթը հագեցած կլինի տոնական իրադարձություններով:
Երկուշաբթի օրը կայցելեք «Իմ քայլը» խմբակցություն. երեխաները կկախվեն ձեր թավշյա հագուստներից և կխնդրեն իրենց մոտ ցմահ թոշակի անցնել:
Երեքշաբթի կայցելեք ՀՅԴ Բյուրո. բոլորին կնվիրեք պզզիկով ատրճանակներ, անագե պարտիզաններ և Ձյունանուշի շնորհավորական գաղտնի շրջաբերականը:
Չորեքշաբթի օրը ձեզ հյուր կգան Առինջի թագաժառանգի երկու շեյխերը. նրանց կնվիրեք Արկտիկայի կենտրոնում Սառցե դղյակ կառուցելու շինթույլտվություն ու բևեռային առյուծի կիսանդրի:
Հինգշաբթի օրը հերթը կհասնի մշակույթի գործիչներին. բոլորին կբաժանեք ժենգյալով պիցցաներ ու վաստակավոր արտիստի արտահերթ կոչումներ:
Ուրբաթ օրը Դավիթ Խաժակյանի հետ հանդիպումը կավարտվի սկանդալով. քաղաքում ձյան բացակայությունը վերջինս կպայմանավորի Հայկ Մարությանի հետ ձեր կոռուպցիոն գործարքով:
Շաբաթ-կիրակի օրերին զբաղվեք «Jingle bells» երգի հայաֆիկացմամբ և նրա հնչյունների ներքո դիմավորեք Նոր Տարին:
«Չորրորդ իշխանություն», 15, 2019