Ճանապարհային ոստիկանությունը տեղեկացրել է, որ երթևեկության անվտանգության բարելավման նպատակով 2021 թ. մարտի 30-ին Երևան քաղաքի Բաղրամյան պողոտա-Դեմիրճյան փողոց խաչմերուկի լուսացույցները կփոխարինվեն նոր սերնդի լուսացույցներով:
«ՉԻ». Այ բալամ, լուսացույցները մեզ ապագա չեն: Դուք ավելի լավ է այդ հատվածի ընդդիմությունը փոխեք: Բերեք, նոր սերնդի ընդդիմություն տեղադրեք: Դրանից երթևեկության անվտանգությունը հաստատ ավելի կբարելավվի, քաղաքական դաշտն էլ ավելի կառողջանա:
Թե չէ 120 տարի է, թթվել են Բաղրամյան պողոտայի ու Դեմիրճյան փողոցի արանքում, ոչ գործ են անում, ոչ էլ թողնում են, որ ուրիշները անեն: