Աչքներդ լույս, հարգելի օղի արտադրողներ, ներմուծողներ, կեղծողներ և վերջապես, պարոն Ալեքսանյան:
2017 թվականից ընդամենը 4 տարի է անցել, բայց մի քանի հազարով պակասել է սթափված ՀՀ քաղաքացիների քանակը: Այս տեմպերով մի քանի տարի անց ընդհանրապես սթափ կյանք վարողներ չեն մնա: Այնպես որ՝ շարունակեք մեծացնել օղի արտադրելու, ներմուծելու և կեղծելու ծավալները. հասարակությունը չի ցանկանում սթափվել: Իսկ եթե կա պահանջարկ, ապա պետք է լինի նաև առաջարկ:
Միևնույն ժամանակ, աչքաթող չանեք կառավարության վերջին նախաձեռնություններից մեկը՝ կանեփի արտադրությունը օրինականացնելը: Առաջիկայում դա էլ է շատ պետք գալու սթափվելու որևէ ցանկություն չունեցող հասարակությանը: