Չորեքշաբթի 16.06.2021 20:41

11.09.2019   09:00
5412

Ավինյանի հեռացումն անհրաժեշտություն է


Այլևս պոլիշինելի գաղտնիք չէ, որ կառավարությունում Լիդիանի շահերի լոբբինգն անում է փոխվարչապետ Ավինյանը: Ամենևին պատահական չէ, որ «Իմ քայլի» խմբակցության ձևավորման քասթինգին նրան ամենից շատ հետաքրքրել է, թե թեկնածուներն ինչ տրամադրություններ ունեն Ամուլսարի հանք դառնալու հեռանկարի վերաբերյալ: Լայն հասարակությանը և անգամ քաղաքական անցուդարձով հետաքրքրվող մարդկանց մինչև հեղափոխությունը Տիգրան Ավինյան անուն-ազգանունը ոչինչ չէր ասում: Առաջին անգամ նրա անունը հրապարակային հնչեցվեց, երբ Նիկոլ Փաշինյանը 2018 թվականի ապրիլին հարցազրույց էր տալիս օտարերկրյա լրատվամիջոցներին և նրանց տեղեկացրեց, որ իր խոսնակ Ավինյանի միջոցով կարող են հարցերը փոխանցել: Եվ շատերը, անգամ լրագրողները դեմքով չէին ճանաչում Ավինյանին, որպեսզի կարողանային կազմակերպել իրենց կոմունիկացիան:

Այսինքն, ապագա փոխվարչապետը չուներ քաղաքական և հանրային անցած ճանապարհ: Շատերի համար զարմանալի էր, որ նա նշանակվեց փոխվարչապետ, ասենք՝ ի տարբերություն Արարատ Միրզոյանի: Հատկանշական էր, որ հանրապետականները պատճառաբանված և առանց հիմնավորումների քննադատում էին Փաշինյանի կադրային քաղաքականությունը՝ խնայելով Ավինյանին: Նրա հասցեին ոչ մի «թթու խոսք»: Հակառակ, կարելի էր հանդիպել այսպիսի վերնագրերի՝ «Փաշինյանի կառավարության միակ պրոֆեսիոնալը», «Միակը, որ հասկանում է տնտեսությունից» և այլն: Ընդամենը բանկում վարկային մասնագետ աշխատած փոխվարչապետն ի՞նչ հուժկու գիտելիքներ, փորձ և պատկերացումներ ուներ տնտեսության վերաբերյալ, գիտեին միայն Փաշինյանը և նախկին ռեժիմի կողմնակիցները:

Արդեն այսօր ակնհայտ է, որ հենց Ավինյանն է եղել Փաշինյանի հիմնական լոբբինգ անողներից մեկը, որ 2018-ի ամռանը պետք չէ լուծել Ամուլսարի հարցը:

Գաղտնիք չէ, որ նախկին իշխանության ամենամեծ արատները կոռուպցիան և հովանավորչությունն էին: Հենց դրա համար էր, որ Փաշինյանը բազմիցս կրկնում էր. «Ով էլ զբաղվի կոռուպցիայով, կպատժվի, եթե անգամ ընտանիքիս անդամը լինի»: Անցավ շատ քիչ ժամանակ և պարզվեց, որ փոխվարչապետ Ավինյանը Գյուղատնտեսության զարգացման հիմնադրամից ստացել է 35 հազար դոլար դրամաշնորհ չրանոց կառուցելու համար: Ընդգծենք, որ Ավինյանի «Իրիթգեյթ» ՍՊԸ-ն 46 մասնակիցների մեջ հաղթող է ճանաչվել, երբ արդեն Ավինյանը մի քանի ամիս էր, ինչ նշանակվել էր փոխվարչապետ:

Այս ամենին լրացուցիչ ինտրիգ հաղորդեց նաև այն հանգամանքը,  որ Գյուղատնտեսության զարգացման հիմնադրամի տնօրեն Գեղամ Գևորգյանը քիչ անց ստացավ գյուղատնտեսության նախարարի պորտֆելը: 

Բոլոր արևմտյան ստանդարտներով սա կարելի է բնութագրել որպես հովանավորչություն, սակայն Ավինյանը ոչ միայն չլքեց պաշտոնը, այլ Արարատ Միրզոյանի ԱԺ տեղափոխվելուց հետո ստացավ ավելի լայն լիազորություններ: 

Վերջերս վարչապետը հաճախ է կրկնում, որ գործող կառավարությունը չի կարող մասնակից լինել որևէ կոռուպցիոն դրսևորման: Եթե Փաշինյանը մտադրված է ժողովրդի հետ երկար ճանապարհ անցնել, նրա գործն ու խոսքը իրար չպետք է հակասեն: Նա այդ ճանապարհին պարտավոր է դնել վստահության առաջին քարը: Ավինյանին հեռացնելը կարող է լինել հենց այդ քայլը:

Արիս Վաղարշակյան



 Պիտակներ

         Արիս Վաղարշակյան, Տիգրան Ավինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22631


Խոսող ձուկը
Խոսող ձուկը
10.11.2019 / 22114


Պեսիմիստական
Պեսիմիստական
08.03.2020 / 20965


Բոլոլա շաբաթ
Բոլոլա շաբաթ
28.09.2019 / 20451





Բա
Բա
20.11.2020 / 19200



Գործակալ 00
Գործակալ 00
01.01.2020 / 18487





Գործակալ 00
Գործակալ 00
01.01.2020 / 17281

The Tashir spider web
The Tashir spider web
09.12.2019 / 17119