Միացյալ Նահանգների Ներկայացուցիչների պալատի խոսնակ Նենսի Փելոսիի բրիֆինգի ժամանակ նրա թիկունքում Գրիգոր Խանջյանի «Վարդանանք» գորգանկարն էր՝ Ավարայրի ճակատամարտի վերաբերյալ:
ՉԻ.- Շատ խելոք բան են մտածել մերոնք: Խորամանկ քաղաքանություն է: Ամերիկացի պաշտոնյան՝ հայ-պարսկական պատերազմի վերաբերյալ կտավի առջև: Այ տենց, պետք է նամյոկներով կռվացնել աշխարհի մեծամեծերին, որ արանքում օգուտ ունենաս:
Շուտով Պուտինն է այստեղ գալու. կարելի է նրա ասուլիսի ժամանակ պատին խփել Ալեքսանդր Դեյնեկայի «Սևաստոպոլի պաշտպանությունը» կտավը, կամ էլ՝ Ռեյխսթագի վրա խորհրդային դրոշ ամրացնելու կադրերը:
Որ Մակրոնը գա, 1918 թվի Կոմպենյան հաշտության լուսանկարը կարելի է մեծացնել ու պատին փակցնել, իսկ Գերմանիայի կանցլեր Շոլցի ասուլիսի ժամանակ, պարզ է, արդեն 1940 թվի Կոմպենյան հաշտության լուսանկարն ենք դնում:
Իրանի նախագահի դեպքում արժե 1979 թվականին Թեհրանում ամերիկյան դեսպանատուն ներխուժելու կադրերը շփփացնել:
Մեծ Բրիտանիայի վարչապետի այցի ժամանակ պետք է վանկարկել Ծովից ծով Հայաստանը Ծովից-ծով Բրիտանիայի հետ է:
Չինաստանի նախագահը որ գա, «Թայվան-նաշ» մակագրությամբ պաստառն էլ բոլ-բոլ է: