Բենզինի շուկայում գնանկում է արձանագրվել: Բենզինի գինը նվազել է 20-30 դրամով:
«ՉԻ»-ն արձանագրել է, որ որոշ բենզալցակայաններում բենզինը վաճառվում է 380 դրամով: Իսկ մինչև գնանկումը գինը կազմում էր 400 դրամ: Կա բենզալցակայան, որտեղ 390 դրամի փոխարենը բենզինը վաճառվում է 360-ով:
Բենզինի գնանկումը հաստատել է նաև ՏՄՊՊՀ մամուլի խոսնակ Անի Սմբատյանը: Նա ֆեյսբուքի իր էջում գրել է, որ բենզինի գինը նվազել է 20 դրամով։
«Բենզինի գինը նվազել է 20 դրամով։ CPC ընկերությունը պրեմիում տեսակի բենզինը վաճառում է 380 դրամ, նախկին 400 դրամի փոխարեն։ Իսկ ռեգուլյար տեսակի բենզինը՝ 360 դրամ է, նախկին 380 դրամի փոխարեն»,- գրել է նա։
Բենզինի գնանկումը պայմանավորված է նավթի համաշխարհային գների անկմամբ:
Երեկ ֆեյսբուքի ուղիղ եթերով վարչապետ Նիկոլ Փաշինյանը ևս հայտարարեց, որ բենզինի գնի անկում կա:
Նշենք, որ դիզվառելիքի շուկայում գնանկում չի եղել: Դիզվառելիքը դեռ շարունակում է պահպանել գինը։