- Պարոն Ծառուկյան, ինչպես եք գնահատում խոսքի ազատության վիճակը Հայաստանում:
- Շատ վատ: Մենք մեծ ներդրումներ ենք արել, արտասահմանից մասնագետներ հրավիրել, ստեղծել աշխատատեղեր, ունենք մոտ 1000 ֆեյք, իսկ գործող իշխանության թողտվության պատճառով նրանց երբեմն վիրավորում են ինտերնետի կապույտ ֆոնով էն էջում:
- Ասում են, որ դուք եք 2004թ. հրկիզել Նիկոլ Փաշինյանի ավտոմեքենան:
- Գնա ազգուտակիդ սենց հարցեր տուր: Ծառուկյանը եթե վառեր, էսօրվա իշխանությունը քրեական գործեր կհարուցեր իմ դեմ, ստուգումներ կսկսեր իմ ընկերություններում: Ու ընդհանրապես, գոնե գիտես էդ Նիվի ու ջրի գինը, որ ուղարկել եմ հեղափոխությանը: Էդ փողով մի երկու տարվա լավ պահած S կլասի Մերսեդես կարելի էր առնել:
- Ճի՞շտ է, որ ձեր թիկնազորը զինվորական հանդերձանք է ստացել Մարտի 1-ի նախօրեին:
- Նաիրա, մի հատ սիրուն շորիկով նկար գցի ու ներողության տեքստ գրի, որում կդատապարտես լրագրողների սենց հարցերը ինձ:
- Ինչպես կմեկնաբանեք, որ ձեր կուսակից Վարդան Ղուկասյանն աղոթում է Ռոբերտ Քոչարյանի ազատման համար:
- Մենք նրա համար ստեղծել ենք բոլոր պայմանները: Հրահանգել եմ, որ իմ կառուցած եկեղեցում նրան տրամադրեն առանձին աղոթատեղի, որպեսզի ոչ մեկը նրան չխանգարի ստեղծագործական աշխատանքներ իրականացնելիս:
- Պատահակա՞ն է, որ ամեն տարի հոկտեմբերի 2-ին դեմարշ եք անում իշխանության դեմ:
- Մեծ տղա ես, ինչ մի վատ բառեր ես օգտագործում:
Գևորգ Պետրոսյանը շշնջում է Ծառուկյանի ականջին. «Շեֆ, դեմարշը վատ խոսք չէ, քաղաքական տերմին է»:
- Ինչ որա յա: Ստոր հերյուրանքներ են: Ես ի՞նչ իմանամ Նաիրայի աչքի տակը ոնց ա կապտել: