ԿԳՍՄ նախարար Արայիկ Հարությունյանը Վիեննայի ահաբեկչությունից հետո ֆեյսբուքի իր էջում գրել է.
«Գլխավորը մենք ենք ու Ամերիկան ա չէ՞…
-…Ավստրիան (Հատված «Մենք ենք մեր սարերը» ֆիլմից)»:
Այնուհետև նախարարը մեջբերել է վարչապետի հարցազրույցի այն հատվածը, որտեղ Փաշինյանը զգուշացնում է, որ ահաբեկիչները հասնելու են Վիեննա:
«ՉԻ». Փաստորեն ոմանց համար դժվար է ընկալել, որ այն, ինչ կարելի է հասարակ օգտատիրոջը, չի կարելի նախարարին:
Հասարակ օգտատերը կարող է «բոցվել», առանց մտահոգվելու, որ դա կարող է ազդել միջպետական հարաբերությունների վրա: Այլ է նախարարի պարագան: Հիմա ի՞նչ պետք է մտածեն և առավել ևս Վիեննա զեկուցեն Հայաստանում Ավստրիայի դեսպանատան աշխատակիցները:
Վարչապետ Փաշինյանն իր արդեն հայտնի հարցազրույցում սթափության կոչ է անում Եվրոպայի ղեկավարներին և շատ ճիշտ է անում: Պարզապես չի խանգարի, որ նման մի կոչ էլ անի սեփական կառավարության առանձին ներկայացուցիչներին:
Չեն կարողանում օգնել, գոնե չվնասեն: