Ծովագյուղում մի քանի տասնյակ գյուղացիներ հարձակվել են «Գազպրոմ Արմենիայի» աշխատակիցների վրա, քարերով, փայտերով ծեծի են ենթարկել նրանց: Այնուհետև դեպքի վայր են ժամանել ոստիկանության Սևանի և Գավառի բաժինների ծառայողները, սակայն գյուղացիները՝ գյուղապետ Վահրամ Գևորգյանի անմիջական հրահանգով այս անգամ հարձակվել են ոստիկանների վրա, հայտնում է Shamshyan.com-ը:
Արդյունքում մարմնական վնասվածքներ են ստացել ոչ միայն մի քանի ոստիկաններ, այլ նաև Գավառի ոստիկանապետ Իգոր Մեսրոպյանը, Սևանի ոստիկանապետ Սարիբեկ Ռուստամյանը և մոտ 10 ոստիկան: Գավառի ոստիկանապետին էլ Երևան են տեղափոխել՝ աչքի վիրահատության:
«ՉԻ». Միջադեպի պատճառն այն է եղել, որ «Գազպրոմի» աշխատակիցները գյուղ են գնացել, որպեսզի ստուգեն այն տեղեկությունները, թե այնտեղ տարիներ շարունակ գազի գողություն է կատարվում ու «լևի» գծեր կան:
Էս գազպրոմցիք էլ են օղբաթ. ծովագյուղցիք արդեն 300 տարի ձկան գողություն են անում, չեն կարողանում դրա դեմն առնել, դուք ուզում եք մի քանի տարվա գազի գողության հարց լուծել: Ծը, չի ստացվի: Լենկ Թեմուրը որ Լենկ Թեմուրն է, եկավ, սաղ Հայաստանը գրավեց, մենակ Ծովագյուղ չմտավ, ասեցին՝ գործ չունես, շառի մեջ ես ընկնելու:
Այնպես որ՝ 10 ոստիկանով ու 2 ոստիկանապետով Ծովագյուղ գնալը հավասարազոր է աննախադեպ խիզախության, որի նմանը չի եղել վերջին 2000 տարում: Իրենց դրել էին Հունան Ավետիսյանի տեղը: Պետք էր նման հարցը լուծել թավշով, սիրով, փշի-փշի անելով: Ասա, գոնե էդ կողմերում ապրող Վլադիմիր Գասպարյանին օգնության կանչեիք, գար, իր էդ կվադրոցիկլը քշեր ծովագյուղցիների վրա:
Քառորդ դար է անցել «Հայկական VIP դրախտ» հայտնի երգից, իսկ այնտեղ հնչող տողերը մնում են արդիական. «Հայկական դրախտում ծովագյուղցիք համեստ ու ամաչկոտ տղերք են»: