Պարզվում է, մեր քաղաքացիները այսուհետ կարող են բուժման նպատակով օգտվել դեղատներում ապառիկ տրվող դեղորայքից: Այդ մասին են վկայում «Լևոն և Լամարա» դեղատնային ցանցի դեղատներում առկա գրությունները:
Իհարկե մի կողմից լավ է, որ մարդկանց, որոնք հնարավորություն չունեն կանխիկ դրամով գնել իրենց դեղորայքը, հնարավորություն է տրվում գոնե բանկի միջոցով իրենց անհրաժեշտ դեղերը ձեռք բերել: Այլ հարց է, թե ինչպես պետք է բուժման գումար չունեցող մարդը վճարի այն տոկոսները, որոնք պետք է վճարի դեղորայքը ապառիկ գնելու դեպքում:
«Լևոն և Լամարա» դեղատների ցանցից տեղեկացանք, որ ապառիկով տրվում է 30 հազարից բարձր արժեք ունեցող դեղորայքը, իսկ ապառիկը կարելի է ձևակերպել Հայէկոնոմբանկի մասնաճյուղերում՝ 15 տոկոս տոկոսադրույքով:
Մելանյա Ծառուկյան