Երկուշաբթի 18.10.2021 23:53

01.10.2021   16:00
2084

Դեպի քյաբաբային հանրապետություն


Պաշտպանության նախկին նախարար Դավիթ Տոնոյանի կալանավորումն, անկասկած, առայժմ անհասկանալի ինչ-որ մեծ նախագծի մի մասնիկն է։ Խնդիրը նույնիսկ այն չէ՝ Տոնոյանին «հասնո՞ւմ էր», թե ոչ։ Անկախ նրանից՝ նա ներգրավված է եղել սպառազինության մատակարարման կոռուպցիոն սխեմաներում, թե ոչ, նրան «հասնում էր»։ Որովհետև երկու տարի շարունակ նա Նիկոլ Փաշինյանի հետ միասին մասնակցել է բանակի «ելակիզացիայի» գործընթացին ու առանց հրթիռների գերթանկարժեք ինքնաթիռներ գնելու փիառ ակցիաներին, պատերազմի ավարտից օրեր անց էլ հանգիստ տեղափոխվել է Միացյալ Նահանգներ ու տաքուկ տեղավորվել՝ որոշ տեղեկություններով, տարեկան մոտ կես միլիոն դոլար աշխատավարձով։ Բայց խնդիրն այն է, որ նրան ոչ թե այդ ամենի մեջ են մեղադրում, այլ ինչ-որ կոռուպցիոն գործարքի, որի արմատները հասնում են մինչև 2011 թվականը, այսինքն՝ տեսականորեն այդ գործով կարող է կալանավորվել ներկա ու նախկին ցանկացած բարձրաստիճան զինվորական։

Ի՞նչ է տեղի ունենում։ Մի երկրում, որտեղ վարչապետի կեցավայրի ծորակները փոխելու համար նախատեսված գումարը համարվում է խստագույն պետական գաղտնիք, ամենայն մանրամասնությամբ տեղեկություններ են հրապարակվում, թե ՀՀ զինված ուժերի համար որ թվականին քանի արկ է գնվել, որ ընկերությունից, ում միջնորդությամբ, ինչ արժե դրանցից յուրաքանչյուրը, քանի տոկոսն է պիտանի եղել, և այլն։ Եվ սա՝ այն դեպքում, երբ նախաքննությունը նոր միայն սկսվում է։ Ու շոուների նկատմամբ Նիկոլ Փաշինյանի սերը հաշվի առնելով՝ կարելի է չկասկածել, որ այս թեմաներով հրապարակային բացահայտումները շարունակվելու են (եթե, իհարկե, Դավիթ Տոնոյանը Նիկոլ Փաշինյանի անունը չտա, ու իշխանությունները հանկարծ չհիշեն, որ պետք է դատական նիստերը փակ անցկացնել)։ Հարց է ծագում՝ դրանից հետո ո՞ր գործընկերը կհամաձայնվի ոչ ստանդարտ սխեմաներով սպառազինություն մատակարարել մեր բանակին։ Առանց այն էլ «10 տոկոսով պայթած Իսկանդերների» մասին հայտարարությունից հետո հազիվ թե որևէ երկիր ցանկանա շատից-քչից լուրջ զենք տրամադրել Հայաստանին։ 

Իսկ գուցե նպատակը հենց դա՞ է՝ «թափանցիկության» և «ժողովրդից ոչինչ չթաքցնելու» պատրվակով անիմաստ դարձնել բանակի հզորությունը վերականգնելու ցանկացած հետագա փորձ։ Կարող է թվալ, թե սա «դավադրությունների տեսության» շարքից է, բայց արդեն 2018-ի «թավշյա, ոչ բռնի հեղափոխությունից» ամիսներ անց էր նկատելի դառնում, որ այս իշխանություններն ընդգծված բացասական վերաբերմունք ունեն այն ամենի նկատմամբ, ինչը Հայաստանին տարբերում է բանանային հանրապետություններից։ Խոսքը գիտության, մշակույթի, Եկեղեցու, համեմատաբար լավ զինված բանակի, Սփյուռքի ներուժի, ատոմակայանի, արդյունաբերության մասին է։ Եթե վերացվում է այդ ամենը, Հայաստանը դառնում է ամորֆ բանանային հանրապետություն՝ զբոսաշրջիկներին ծառայություններ մատուցող «երջանիկ» բնակչությամբ։ Դրա համար էլ, այս իշխանությունների տրամաբանությամբ, մեզ ոչ բանակ է պետք, ոչ ժամանակակից գիտություն (հակառակ դեպքում համակարգն այս վիճակին չէր հասցվի), ոչ Սփյուռքի ներուժ (հակառակ դեպքում Մակունցի նման մեկը ԱՄՆ-ում դեսպան չէր նշանակվի), ոչ ատոմակայան (ավելորդ գլխացավանք է, ու պետք է փակելու ձև գտնել), ոչ արդյունաբերություն (կարող ենք գրազ գալ՝ սրանք անպայման գտնելու են, օրինակ, Քաջարանի կոմբինատը «վարի տալու» ձևը), և այսպես շարունակ։

Այլ հարց է, որ այս իշխանությունները Հայաստանն անգամ բանանային հանրապետություն դարձնել չեն կարողանալու։ Շատ-շատ՝ քյաբաբային հանրապետություն, այն էլ՝ «նախադու»-ի կարգավիճակով։

Մարկ Նշանյան



 Պիտակներ

         Մարկ Նշանյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 8981




























Հերքում
Հերքում
12.10.2021 / 1398

Պողոսի երազը
Պողոսի երազը
12.10.2021 / 1317



















Բազմածնունդը
Բազմածնունդը
11.10.2021 / 618