Ազգային ժողովի Տենդերների վարչությունն ամփոփել է Ինդոնեզիայի Բալի կղզում մեկ շաբաթ տևողությամբ տուրիստական կրուիզին մասնակցելու համար հայտարարված մրցույթ-տենդերի արդյունքները:
Մրցույթի հանձնաժողովը՝ ուսումնասիրելով տենդերի մասնակից կոլեկտիվների հայտերը, ներկայացնում է հաղթող կոլեկտիվին, որն էլ կմեկնի Բալի:
1. Ալեն Սիմոնյան (աշխատում է Ազգային ժողովում՝ որպես նախագահ, կոլեկտիվի ղեկավար),
2. Հասմիկ Հակոբյան (աշխատում է Ազգային ժողովում, որպես կոլեկտիվի ղեկավարի կուսակցական ընկեր),
3. Ծովինար Վարդանյան (աշխատում է Ազգային ժողովում, որպես կոլեկտիվի ղեկավարի կուսակցական ընկեր),
4. Դավիթ Առաքելյան (աշխատում է Ազգային ժողովում, որպես կոլեկտիվի ղեկավարի օգնական),
5. Հեղինե Խաչիկյան (աշխատում է Ազգային ժողովում, որպես կոլեկտիվի ղեկավարի աշխատակազմի ղեկավարի տեղակալ),
6. Տիգրան Սեյրանյան (աշխատում է Ազգային ժողովում, որպես կոլեկտիվի ղեկավարի արտաքին կապերի գծով պետ),
7. Զաբելա Ղազարյան (աշխատում է Ազգային ժողովում, որպես արտաքին կապերի վարչության միջազգային կազմակերպությունների բաժնի լավ մասնագետ)
8. Դավիթ Հակոբյան (կոլեկտիվի ղեկավարի լուսանկարիչ-օպերատոր-մոնտաժոր):
Հաղթող կոլեկտիվը անմոռանալի ժամանակ կանցկացնի համաշխարհային տուրիզմի կենտրոններից մեկում, կոմֆորտ հյուրանոցում կսպասարկվի all-inclusive կարգով, ի հակադրություն Հայաստանում մետրանոց ձյան՝ կվայելի արևի ջերմությունն ու ծովային օդի կազդուրիչ հոտը, ծովափի տաք ավազն ու դիսկոտեկաների զրնգուն երաժշտությունը: Վերջում՝ հրավառություն: