Ռոբերտ Քոչարյանը իր համակիրների հետ հանդիպման ժամանակ ասել է. «Իշխանությունը 3 տարում ոչ մի խոստում չի կատարել: Նույնիսկ խոստացել է, որ ինձ պիտի դատի, չէ՞: Էդ էլ չի արել»:
«ՉԻ». Միայն մի բան կարելի է ասել. լավ է անում: Հասնում է այս իշխանություններին՝ Նիկոլից սկսած: Հասցրել են նրան, որ Քոչարյանն այսպես ղժժում է նրանց վրա:
Իսկ Փաշինյանը բանավեճի է հրավիրում: Այդ թվում՝ Ռոբերտ Քոչարյանին: Որը ոչ թե տղամարդլամիշ է լինում, այլ կայֆլամիշ: Ահավասիկ՝ հեռակա բանավեճի լավ առիթ է, քանի որ անմիջական բանավեճ հաստատ չի լինի: Թող Նիկոլը պատասխանի, թե ինչու իր հարյուրավոր խոստումներից գոնե այդ մեկը չի կատարել: Հերիք չէ, չի կատարել, դեռ մի բան էլ Քոչարյանի ոտքի տակ գորգ փռեց՝ քաղաքականություն վերադառնալու համար:
Այնպես որ, չենք զարմանա, եթե հաջորդ անգամ Քոչարյանը պարզապես լեզու ցույց տա Փաշինյանին կամ էլ մատերով պոզեր ցույց տա: