Արցախի նախագահ Արայիկ Հարությունյանը ֆեյսբուքի իր էջում գրել է. «Սիրելի հայրենակիցներ,
Տեխնիկական խնդիրների պատճառով իմ ուղերձի ժամը հետաձգվում է: 12:00-ի փոխարեն ուղերձով հանդես կգամ 14:00-ին»:
«ՉԻ». Տեսնես Հարությունյանի տեքստերը ո՞վ է գրում: Հաստատ իր խոսնակ Վահրամ Պողոսյանը կլինի: Նույն Պողոսյանը, որ պատերազմի ժամանակ օդ էր բարձրացրել Գյանջայի օդանավակայանը:
Ի՞նչ տեխնիկական խնդիրներ՝ ինտերնետ կապը լավը չէ՞, թե՞ սափրված չեք: Գոնե գրեք, որ դեռ կան խնդիրներ, որոնք լրացուցիչ պարզաբանման և լուծման կարիք ունեն:
Արցախի և Հայաստանի ղեկավարներն իրենց կռուտիտներով իրենց դնում են զավեշտալի վիճակի մեջ, հետո նեղանում, որ իրենց ոչ ոք լուրջ չի ընդունում:
Տեխնիկական թերությունները վերացնելուց հետո միակ քիչ թե շատ իրականությանը մոտ տեղեկատվությունը կլինի խոստովանությունը՝ չենք տիրապետում իրավիճակին, մեզանից այլևս ոչինչ կախված չէ: Ձեզ մտահոգող բոլոր հարցերով դիմեք ռուս խաղաղապահների շտաբ: