Երկուշաբթի 28.09.2020 22:23

Սատիրիկոն/Լուր-մեկնաբանություն
28.09.2020 / 21:00
Սատիրիկոն
28.09.2020 / 20:30
Սատիրիկոն/Լուր-մեկնաբանություն
28.09.2020 / 19:00
Սատիրիկոն/Լուր-մեկնաբանություն
28.09.2020 / 17:30
Սատիրիկոն/Լուր-մեկնաբանություն
28.09.2020 / 16:00
21.09.2020   11:15
1508

Նիկոլ Փաշինյանի աննախադեպ շնորհավորանքները


Վարչապետն այլևս կանխատեսելի է։ Վերաթողարկում ենք առնվազն մեկ ամիս առաջվա նյութը։

Ներկայացնում ենք ՀՀ վարչապետ Նիկոլ Փաշինյանի շնորհավորական ուղերձները՝ Հայաստանում տոնական օրերի առթիվ:

Հունվարի 1. Նոր Տարի

Սիրելի՛ հայրենակիցներ, Հայաստանի Հանրապետության հպարտ քաղաքացիներ:

Այսօր մենք հրաժեշտ ենք տալիս հերթական տարուն: Նախորդ 30 տարիներին Ամանորն ու Սբ. Ծնունդը նշվում էին առանց պետական հայեցակարգի: Աղքատությունը, հուսալքվածությունը, համատարած կոռուպցիան թույլ չէին տալիս մարդկանց հավեսով դիմավորել Նոր Տարին: Թավշյա հեղափոխությունից հետո այժմ քաղաքացիները ժպիտը երեսներին են քեֆ անում: Բավական է ասել, որ վերջին 2 տարում խոզի բդի վաճառքը 2017 թվականի համեմատ աճել է 241,3 տոկոսով: 

Եվ ուրեմն, այսուհետ մենք ինքներս ենք կերտելու մեր Նոր Տարին: Կեցցե՜ 2018 թվականի Թավշյա հեղափոխությունը, որը ձեր տուն Ամանոր բերեց:

Մարտի 8. Կանանց օր

Սիրելի՛ հայրենակիցներ, Հայաստանի Հանրապետության հպարտ կանայք:

Մարտի 8-ը մեր բոլոր մայրերի, կանանց, քույրերի և աղջիկների համար նվիրական տոն է: Նախորդ 30 տարիներին այս տոնը մթագնվել է բազմաթիվ հոռի երևույթներով և բարքերով, որոնց պատճառով նսեմացված էր կնոջ դերը հանրային-հասարակական կյանքում: 2018թ. թավշյա հեղափոխությունից հետո հայ կինը վերստին գտավ իր արժանապատվությունը: Երբեք մեր կանայք այսքան ազատ ու անկաշկանդ չեն եղել, ինչպես վերջին երկու տարում: Բավական է ասել, որ 2017 թվականի համեմատ կանանց դերը աճել է 127,8 տոկոսով, կանանց նկատմամբ բռնությունները նվազել են 197,0 տոկոսով: Այժմ կինն է կերտում իր ճակատագիրը, ինչը աննախադեպ է հայոց ողջ պատմության ընթացքում:

Կեցցե՜ հայ կինը, կեցցե՜ մարտի 8-ը: Կեցցե՜ 2018 թվականի Թավշյա հեղափոխությունը, որը կանանց ազատություն պարգևեց, սիրում եմ բոլորիդ: 

Մայիսի 1. Աշխատավորների տոն

Սիրելի՛ հայրենակիցներ, Հայաստանի Հանրապետության հպարտ բանվորներ և գյուղացիներ:

Մայիսի 1-ը ոչ միայն Հայաստանում, այլև ամբողջ աշխարհում նշվում է որպես աշխատավորների օր: Բայց ի՞նչ սրտով մեր աշխատավորները կարող էին նշել իրենց տոնը, եթե 1990-ականներին համատարած գործազրկություն էր, փակվում էին գործարաններն ու արդյունաբերական ձեռնարկությունները: Հայ աշխատավորը մի կտոր հացի համար բռնում էր պանդխտության ճանապարհը: Քրեա-օլիգարխիկ համակարգը 30 տարի շարունակ խժռում էր մեր պետության բարիքները, իր ձեռքում կուտակում տնտեսության բոլոր ճյուղերը, և հայ աշխատավորը նվաստացած վիճակում էր:

Սակայն թավշյա հեղափոխությունից հետո հայ աշխատավորները վերջապես աշխատատեղերի խնդիր չունեն: Բավական է ասել, որ 2017-ի համեմատ  հայ աշխատավորների քանակն ավելացել է 315,2 տոկոսով, իսկ օլիգարխների քանակը նվազել՝ 2,3 տոկոսով: Անկախություն ձեռք բերելուց հետո առաջին անգամ մեր բանվորներին ու գյուղացիներին ժամանակին աշխատավարձ են տալիս, հիփոթեքային վարկեր տալիս:

Կեցցե՜ հայ բանվորը, կեցցե՜ հայ գյուղացին: Կեցցե՜ 2018 թվականի Թավշյա հեղափոխությունը, որը հայ շինականի դարավոր իղձերի կատարումն էր:

Մայիսի 9. Հաղթանակի եռատոն

Սիրելի՛ հայրենակիցներ, սիրելի´ զինակիցներ:

Մայիսի 9-ը հայ ժողովրդի ամենանվիրական ու սուրբ տոներից մեկն է: 1992թ. մայիսի 9-ին հայ զինվորները ազատագրեցին Շուշին: Ցավոք սրտի, այդ հաղթանակի նշանակությունն ավելի մեծ կլիներ, եթե դրան զուգահեռ երկրում իրականացվեին պետական և հանրային ինստիտուտների ձևավորման գործընթացները: Այո, Շուշին մերն էր, բայց մենք տառապում էինք անկախ դատական համակարգի, օրենքի գերակայության, օրենքի առաջ բոլորի հավասարության բացակայությունից:

Մեր բանակն ուներ ավելի մեծ հաջողություններ գրանցելու հնարավորություններ, սակայն համատարած կոռուպցիան, ընտրական համակարգի այլասերումը թույլ չտվեցին մեր զորքերին հասնել մինչև Քուռ-Արաքսյան հովիտ: 

2018թ. թավշյա հեղափոխությունից հետո մեր պանծալի բանակը տարավ հայ ժողովրդի պատմության մեջ ամենափառահեղ հաղթանակը և Տավուշի մարզում բարձունքներ վերցրեց: Այդպիսի բան հետագայում դժվար էլ լինի: Ափսոս միայն, որ այդ հաղթանակը հուլիսին եղավ, եթե մայիսին լիներ, հիմա կունանայինք քառատոն: 

Կեցցե՜ մեր բանակը, փա՜ռք հայ զինվորին: Կեցցե՜ 2018 թվականի Թավշյա հեղափոխությունը, որը մեզ պարգևեց հուլիսյան հաղթանակ: 

Սեպտեմբերի 21. Անկախության օր

Սիրելի՛ հայրենակիցներ, սիրելի´ զինակիցներ, ժողովուրդ, հպարտ քաղաքացիներ:

Այսօր Հայաստանի Հանրապետության հիմնադրման 30-ամյակն է: Մենք պետք է հպարտ լինենք նման հրաշալի օրվա առթիվ, սակայն չենք կարող չնշել, որ այս 30 տարին նաև կորուստների ժամանակաշրջան էր: Նախորդ բոլոր իշխանությունները կտրված էին ժողովրդից, ժողովուրդն էլ կտրված էր իշխանությունից, անկախությունը ստորադասվում էր իշխանությունը ամեն գնով պահպանելու մոլուցքին: Ի՞նչ անկախության մասին է խոսքը, եթե աղքատությունն ու ամենաթողությունը թափանցել էին մեր երկրի ամենախուլ անկյուններն անգամ:

2018թ. թավշյա հեղափոխությունը նաև Անկախությունը վերանվաճելու նպատակ էր հետապնդում: Եվ մենք նորից ձեռք բերեցինք Անկախություն: Հայ քաղաքացին նորից հպարտ է իր երկրով: Բավական է ասել, որ 2017թ. համեմատ հպարտության զգացումը մեր քաղաքացիների մոտ աճել է 407,9 տոկոսով: Այսպիսի զգացում չի եղել այն ժամանակներից ի վեր, երբ Հայկ Նահապետը նետով խոցեց ոսոխ Բելին: 

Շնորհավո՜ր Անկախության տոնը: Կեցցե՜ 2018 թվականի Թավշյա հեղափոխությունը, որը մեզ իրական անկախություն բերեց, հպարտանում եմ ձեզանով: 



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ




››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1526





















Վազիր դատարան
Վազիր դատարան
23.09.2020 / 881