Հաշվի առնելով, որ Հայաստանի իշխանությունները փափագում են ցորենի փոխարեն մեր երկրի ռազմավարական ապրանք դարձնել բրինձը՝ անհրաժեշտ է այդ փոփոխությունը տարածել նաև այլ ոլորտներում:
Մասնավորապես, համաձայն այս ռազմավարության, Հայաստան ժամանող օտարերկրյա պատվիրակություններին, հայտնի գործիչներին պետք է դիմավորել աղ ու բրնձով:
Կոտայքի մարզի Հացավան գյուղը վերանվանել Բրնձավան, նույն փոփոխությունը կատարել նաև Նաիրի Զարյանի ստեղծագործությունում:
Որպես բողոքի նշան՝ հայտարարել բրնձադուլ:
Սրճարաններին ու սննդի այլ օբյեկտներին պարտադրել սեղաններին ունենալ բրնձաման:
Տան հյուրերին պետք է բրնձավորել:
Լեզվի տեսչությանն էլ առաջարկում ենք հաստատել առածների ու ասացվածքների փոփոխված տարբերակը:
- Անբանը բրինձ ուտելիս առողջ է, աշխատելիս՝ հիվանդ:
- Աշխատանքը սև է, բրինձը՝ սպիտակ:
- Բերան կա բրինձ չկա, բրինձ կա բերան չկա:
- Ղարիբի բրինձը լեղի է, ջուրը՝ թույն:
- Առանց բրնձի չի լինի աշխատել, իսկ առանց գինու՝ պարել:
- Ավելի լավ է բրինձը ջրով, քան կարկանդակը՝ դժբախտությունով:
- Բրինձը գցիր ջուրը, ձուկը չիմանա, աստված կիմանա:
- Բրնձի զոռ, բանի քոռ:
- Բրնձի կտրածը թուրը չի կտրի:
- Անխիղճ մարդու բրինձը երկաթ կդառնա: