Երեքշաբթի 19.10.2021 12:15

16.08.2021   19:00
401

Իսկ պատերազմը շարունակվում է


Այս գիշեր ադրբեջանական զինված ստորաբաժանումները Սյունիքի մարզում, Սև լճի հատվածում` փորձել են դիրքային առաջխաղացում ապահովել: Պաշտոնական հաղորդագրության համաձայն, ծավալված փոխհրաձգության ընթացքում հակառակորդը տվել է առնվազն մեկ զոհ: 

Մեկ այլ միջադեպ էլ նույն օրը տեղի է ունեցել նախիջևանյան ուղղությամբ, Երասխի հատվածում, որտեղ հակառակորդի դիպուկահարի արձակած կրակոցից մահացու հրազենային վիրավորում է ստացել հայ զինծառայողը:

Պատերազմը, ինչպես տեսնում եք, չի ավարտվել: Վառոդի տակառը մխում է: Տեղ-տեղ ծուխ է դուրս գալիս, ու ամեն պահի այն կարող է պայթել: 

Բնավ չի երևում, թե ինչպես ենք մարելու այդ վտանգը: Մեր իշխանությունները, մեր ընդդիմությունը, անցած շաբաթ խորհրդարանում քաղաքական բանավեճի «մաստեր-կլաս» ցույց տվեցին: Իրականում հերթական անգամ համոզվեցինք, որ իշխանության համար պայքարը գերադասվում է մեր պետության առջև ծառացած մարտահրավերներից: Շատ ավելի կարևոր է համարվում հայհոյախառն ելույթներով ապացուցել, որ իշխանությունները դավաճան են, կամ՝ ընդդիմությունն է դավաճան: Նա նրան է մեղադրում օտարի շահերը սպասարկելու մեջ, նա էլ՝ նրան: Ու այդ ընթացքում երկիրը հալվում է: Կամաց-կամաց մեր հայրենիքը վերածվում է վիրտուալի, կամ՝ պատմականի: 

Ցավն այն է, որ այս իրավիճակից դուրս գալու, նոր արհավիրքներից, պատերազմներից խուսափելու ուղիները գծագրվել, ներկայացվել են 25 տարի առաջ, 20, 10, 5 տարի առաջ: Բայց իշխանամոլությունը, նյութապաշտությունն այնպես է խլացրել սրանց բանականության բջիջները, որ բան ես ասում, չորս տեղից վրա են տալիս. մեկն ասում է՝ բա գնայիք, մինչև Քուռ հասնեիք, մյուսը՝ մինչև Բաքու, երրորդը՝ Վիլսոնի գլոբուսն է ճոճում, թե հեսա մեր միակ փրկությունը: Մի մասն ասում է՝ Ռուսաստանն է մեղավոր, մի մասը՝ Եվրոպան, մի երրորդն էլ կա՝ ամբողջ աշխարհին է մեղադրում: Մեր տգիտության համար հերթով դնում, բոլորին մեղավոր ենք հանում:

Փոխարենը տարածաշրջանի ամենահերոսունակ խորհրդարանն ունեք: Բոլորն իրենց հերոսներ են համարում: Ժամերով կպատմեն, ելույթներով կներկայացնեն, թե հատկապես հենց իրենք ոնց են երկիրը հանել փոսից: Այո, բոլորը փոս գցող են եղել, բացի՝ իրենցից: Հիմա էլ՝ երբ երկիրը գահավիժում է փոսը, այնտեղ երկիրը գցողի հարյուր հատ անուն կտան, դատախազությունն ու ԱԱԾ-ն, ընդդիմադիր պատմաբաններն ու մեդիաները փաստերով սկուտեղի վրա կմատուցեն դավաճաններին: 

Բայց ոչ ոք չի ասի, թե որն է լուծումը: Շատ պետք ա՞: Ելույթ ունենա՞ն, թե՞ զանգ կախեն: 

Իսկ պատերազմը շարունակվում է:
 



 Պիտակներ

         ԱԺ

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 9022




























Հերքում
Հերքում
12.10.2021 / 1401

Պողոսի երազը
Պողոսի երազը
12.10.2021 / 1321