Մարտի 26-ին Նիկոլ Փաշինյանը Անդրանիկ Սիմոնյանին նշանակել էր Հայաստանի Հանրապետության քննչական կոմիտեի նախագահի տեղակալի պաշտոնում:
Այսօր Նիկոլ Փաշինյանը Անդրանիկ Սիմոնյանին ազատել է Հայաստանի Հանրապետության քննչական կոմիտեի նախագահի տեղակալի պաշտոնից:
Եվ հենց այսօր Անդրանիկ Սիմոնյանը նշանակվել է Հայաստանի ազգային անվտանգության ծառայության տնօրենի տեղակալ:
«ՉԻ». Դե ինչ, արդեն ժամանակն է, որ Հայաստանում ստեղծվի Արգիշի Քյարամյանի անվան պատվավոր ակումբ: Այդ ակումբի անդամներ կարող են դառնալ բոլոր նրանք, ովքեր 3-ից 5 օրում հասցրել են զբաղեցնել 2 և ավելի պաշտոններ:
Ներքին զգացողություն ունենք, որ Անդրանիկ Սիմոնյանի կարիերան այսքանով չի ավարտվի: Մոտ օրերս նա կարող է նշանակվել ԱԱԾ պետ, որից հետո՝ ՊԵԿ-ի օպերատիվ-հետախուզական վարչության պետի տեղակալ, հետո՝ Վերահսկողական ծառայության պետ:
Խեղճ Արմեն Սարգսյան. հազիվ էս քանի օրը գլուխը խախանդվել էր Կառավարություն-Գենշտաբ գրագրությունից հետո, հիմա էլ Անդրանիկ Սիմոնյանի նշանակում-ազատումներով պիտի զբաղվի:
Հ.Գ. Հետո էլ ասում են՝ կադրային սով է: Հլը տեսեք՝ ինչ կադրեր ունենք. ամեն տեղ հասցնում են: