Երեքշաբթի 07.12.2021 16:59

15.11.2021   22:00
1076

Լուծումներից մեկը երկու հոգու հրաժարականն է


ԱԺ «Պատիվ ունեմ» խմբակցության պատգամավոր Թագուհի Թովմասյանը հայտարարություն է տարածել, որում մասնավորապես ասված է. «Ընդդիմության առաջնորդներին առաջարկում եմ հնարավորինս շտապ քննարկել, օրինակ, ԱԺ պատգամավորի մանդատներից հրաժարվելու հարցը՝ միաժամանակ հայտարարելով, որ ովքեր մանդատ կվերցնեն, հայրենիքի դավաճան են։

Հարգելի՛ գործընկերներ, պետք է շտապ գործենք, հայրենիք ենք կորցնում»:

Հետաքրքիր փորձաքար է ասպարեզ նետել պատգամավորը: Հասկանալի է, որ սա առաջին հերթին ուղղված է «Հայաստան» դաշինքին ու Ռոբերտ Քոչարյանին

Բայց այստեղ էլ մի պահ կա. հենց այդ մանդատների համար է Քոչարյանը մասնակցել խորհրդարանական ընտրություններին: Ոչ թե իշխանափոխության, այլ հենց մանդատների: Հակառակ դեպքում կամ չպետք է մասնակցեր ընտրություններին ու շարունակեր իր փողոցային պայքարը, կամ էլ՝ ավելի լայն դաշինքով մասնակցեր: Ոչ մեկը արեց, ոչ էլ՝ մյուսը: Հիմա որ հանկարծ հրաժարվեն պատգամավորական մանդատներից, էլի այդ հարցը տալու են՝ բա որ պիտի հրաժարվեիր, էլ ինչի՞ էիր մասնակցում ընտրություններին:

Հաջորդը. եթե ենթադրենք, որ բոլոր ընդդիմադիր պատգամավորները հրաժարվեցին իրենց մանդատներից, դա քաղաքական ճգնաժամ է առաջացնելու: Այնքան խառախուռա սահմանադրություն է, որ չգիտենք, թե նման իրավիճակներում ինչ է լինում: Բա հետո՞. դա ի՞նչ հարց է լուծելու: Ամենաշատը՝ քաղաքացիական բախումներ: Թե դա որքանով կարող է նպաստել մեր սահմաններում ստեղծված իրավիճակին, դա էլ չգիտենք:

Ո՞րն է լուծումը: Մեր համար այն տեսանելի չէ, առայժմ, բայց մի բան հաստատ գիտենք. վերջին ՏԻՄ ընտրությունները ցույց տվեցին, որ ժողովուրդը հավասարաչափ մերժում է ոչ միայն իշխանություններին, այլ նաև Ռ. Քոչարյանին:

Գորիսում խորհրդարանական ընտրություններում Քոչարյանը պարտվեց, իսկ ահա ՏԻՄ ընտրություններում Առուշ Առուշանյանը այնպես արեց, որ Քոչարյանի անունն իր հետ չասոցացվի, մասնակցեց իր անունով ստեղծված դաշինքով ու հաղթեց: Նույնը՝ Կապանի ընտրություններում: Գևորգ Փարսյանը ջախջախեց ՔՊ-ի իր մրցակցին: Եթե հանկարծ Փարսյանը մասնակցեր «Հայաստան» դաշինքով, պարտվելու էր: 

Ու եթե նկատել եք, հիմա ՏԻՄ ընտրություններին ընդդիմադիր կուսակցությունները, դաշինքները մասնակցում են իրենց ղեկավարի կամ իրենց առաջադրած թեկնածուների անուններով ստեղծված դաշինքներով. «Պողոս Պողոսյան» դաշինք, «Սերոբ Սերոբյան» և այլն, այնքան, որ Քոչարյանի անունը չհոլովվի: Հաղթելու շանսերը միանգամից բազմապատկվում են: Մարդիկ նայում են. Քոչարյանի հետ կապ ունի՞. չէ, ուրեմն, կարելի է քվեարկել նրանց օգտին: Ընդ որում, մեծ մասամբ նորմալ մարդիկ են. հաղթողներն էլ, նրանց համակիրներն էլ:

Այսինքն՝ լուծումներից մեկն այն կլիներ, որ Քոչարյանը դուրս գար քաղաքական ասպարեզից, քանի որ իր խիստ բացասական խարիզմայով միայն վնաս է հասցնում ընդդիմությանը, դեռ մի բան էլ օգուտ է տալիս իշխանություններին: Կոպիտ ասած՝ ոչ միայն Փաշինյանը, այլ նաև Քոչարյանը պետք է հրաժարական տա: Մեկը՝ իշխանությունից, մյուսը՝ ընդդիմությունից: 



 Պիտակներ

         Նիկոլ Փաշինյան, Ռոբերտ Քոչարյան, Թագուհի Թովմասյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները