Այսօր Երևանի ընդհանուր իրավասության դատարանում պետք է կայանար պետական դավաճանության գործով դատական նիստը, սակայն լրտեսության մեջ մեղադրվող ամբաստանյալը նիստին չի ներկայացել և դատական նիստը հետաձգվել է:
«ՉԻ». Մի ծիծաղեք: Սա անեկդոտ չէ: Պետական դավաճանության մեջ մեղադրվող անձը, պարզվում է՝ հերիք չէ, որ կալանքի տակ չէ, մի հատ էլ հավես չի ունեցել նիստին ներկա լինել:
Կարելի է այսքանով այս դատական գործը փակել, որովհետև վախենանք՝ նորանոր անեկդոտիկ պատմությունների ականատեսը դառնանք:
Պետական դավաճանությունը ծանրագույն հանցանք է և առանց բացառության, նման հանցանքի մեջ մեղադրվողի հանդեպ՝ որպես խափանման միջոց, պարտադիր կիրառվում է կալանքը:
Էդ ի՞նչ դավաճանություն է, եթե ամբաստանյալը ղժժում է գործի վրա: Ոնց գցում բռնում ենք, այս գործին պետք է հետևենք, տեսնենք՝ ոնց է փոզմիշ լինելու: