«Գերիների վերադարձը, ցավոք, կրկին հետաձգվում է, քանի որ հակառակորդի կողմից նոյեմբերի 9-ի եռակողմ հայտարարության 8-րդ կետը ի կատար չի ածվում, ինչը հետպատերազմական մարդասիրական գործընթացի կոպիտ խախտում է»,- «Ազատությանը» փոխանցել են փոխվարչապետ Տիգրան Ավինյանի գրասենյակից։
«ՉԻ». Այն, որ Ադրբեջանը կոպտորեն խախտում է միջազգային մարդասիրական իրավունքը, վաղուց գիտեինք, բայց դուք էլ մի փոքր խելք, նրբանկատություն ու ի վերջո ճկունություն ցուցաբերեք:
Կարելի էր, չէ՞, ի վերջո ձեռք բերել գեներալ Մուրադովի հեռախոսահամարը, իմանալ՝ Բաքվից բերո՞ւմ է մեր գերիներին, քանի՞ հոգի են վերադառնում, թե՞ ձեռնունայն է գալիս Երևան:
Գրասենյակ պահելու իմաստ չկա, եթե մնացած բոլոր հայերի պես նայելու եք լրատվականների լայվը, որտեղից էլ իմանալու եք, որ ինքնաթիռը դատարկ է վերադառնում:
Մի կողմից՝ նենգ թշնամի, մյուս կողմից՝ թեթևսոլիկ իշխանություն: Հայ ժողովուրդը երկու քարի արանքում է հայտնվել: