Ստեփանակերտում բացվել են դպրոցները։ Դպրոցի վրա գրված է եղել՝ «Շնորհակալություն Ռուսաստանին»: Աշակերտներն իրենց ձեռքում պահել են Պուտինի նկարն ու ռուսական դրոշներ:
«ՉԻ». Տեսնում ե՞ք՝ ինչ բան է կյանքը: Հարյուրավոր գեներալներ ունենք, հարյուրավոր հերոսներ, իշխանություններ էլ ոնց որ ունենք՝ Հայաստանում և Արցախում, իսկ շնորհակալություն հայտնում են Պուտինին և Ռուսաստանին:
Սա երևի հենց Նիկոլ Փաշինյանի ասած կայունության ու անվտանգության գինն է, որը մեզ համար Պուտինն է ապահովում:
Այսքանից հետո մեզ մնում է զարմանալ ընդդիմության վրա: Ինչո՞ւ եք վարչապետի հրաժարականը պահանջում: Ավելի ճիշտ կլինի Պուտինի հրաժարականը պահանջել, եթե դժգոհ եք նրա քաղաքականությունից: Թեպետ, ո՞նց դժգոհ լինես, եթե Արցախում նրան են հայտնում իրենց երախտագիտությունը: