Հարցազրույց
04.06.2020 / 19:00
Լուրեր
04.06.2020 / 17:00
Լուր-մեկնաբանություն
04.06.2020 / 16:00
30.03.2020   09:30
3426

Պարետի երազը


Օրվա վերջն է, լրատվամիջոցների գրավորներն է ստուգում: Տետրերը վերցնում է, դնում առաջը: Վերցնում է վերևի տետրն ու բացում. «Իտալիայում կորոնավիրուսի պատճառով փողոցները դատարկ են, Հռոմի Պապն էլ օնլայն է պատարագ մատուցում: Բայց իտալական ընդդիմության առաջնորդ Ջանպաոլո Ալբերտինին CNN-ի հետ զրույցում պնդել է, որ իշխանությունները թաքցնում են զոհերի թիվը... Արամ Աբրահամյան»: «Արա՛, էս տղուն մեռա բացատրելով, որ սենց խուճապահարույց բաներ չգրի, «2» եմ նշանակում»:

Հաջորդը Մարինա Խաչատրյանի տետրն է. «Կորոնա, նշանակում է՝ թագ: Այսինքն, այս վիրուսը թագավորական ծագում ունի: Այսինքն, սա ամերիկացիներն են սարքել, որ աշխարհը զավթեն ու նստեն թագավորական գահին: Նիկոլի պիջակի կոճակների վրա էլ հրեական աստղ է նկարած...»: «Սա որ կորոնավիրուսի ռաստ գա, խեղճ վիրուսն ա 14 օր կարանտինի գնալու»,- հոգոց է հանում ինքը ու «2» նշանակում:

Վերցնում է բժիշկ Արտավազդ Սահակյանի տետրը. «Մենք հրաշալի պարետ ունենք: Նա իմ սիրելի պարետն է: Ամբողջ օրը մտածում է ազգի մասին, կաշվից դուրս է գալիս, որ հայերը իրենց լավ զգան, հիանում եմ նրա իմաստուն քաղաքականությամբ...»: «Սա ինձ ձե՞ռ է առնում: Որտե՞ղ է տեսել իմ իմաստնությունը: Սրան չեմ թողնելու, որ գրավոր գրի»,- ջղայնանում է ինքը ու պատռում Արտոյի տետրը:

Մի ուրիշ տետր է բացում. «Գարունը բացվում է իր բոլոր երանգներով: Հիասքանչ առավոտ, հյութեղ կեսօր, կայտառացնող ցերեկ, ռոմանտիկ երեկո: Հայաստանը կանգնած է խոստումնալից հորիզոնների առջև, մարդկանց ջերմացնող հոգիները սավառնում են հայկական երկնակամարում...»: «Հրաշալի է, էս ո՞վ է գրել: Սոֆյա՞ն: Ապրի, «5», մենակ էն ջերմացնող հոգիների պահը ջնջեմ, թե չէ ժողովուրդը կմտածի, թե մարդիկ ջերմություն ունեն, պանիկա կսկսվի»:

Այդ պահին Հ1-ով վարչապետին են ցույց տալիս. «Օր 25-րդ: Ժողովուրդ ջան, սաղ լավ է, այսօր վարակվել է ընդամենը 12 հոգի և չի վարակվել 2 միլիոն 967 հազար 841 մարդ: Վարակի աճի տեմպերը հուսադրող են, Ադրբեջանին ու Վրաստանին ծալած ունենք»: «Էս պանիկյորն ով ա՞»,- զայրանում է ինքն ու բջջայինով զանգում Հ1: Ու հանկարծ նկատում է, որ սեղանին դրած հեռախոսին է զանգել: «Լավ չեմ»,- ձեռը ճակատին է դնում ու ջերմություն զգում: 

Արթնանում է Շենգավիթ-Էջմիածին երթուղային տաքսիում:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Տիգրան Ավինյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված