Քոչարյանական լրատվամիջոցներից մեկը լուր է հրապարակել հետևյալ վերնագրով. «9:1 հաշվով պարտությունից հետո Նիկոլ Փաշինյանը 28 հոգանոց պատվիրակությամբ մեկնում է Իտալիա»:
«ՉԻ». Բայց լավ գաղափար է մտահղացել այդ լրատվամիջոցը: Մեր մեջ ասած, սրանով վերնագրերի նոր մշակույթ կարող է ձևավորել: Լայն հորիզոններ են բացվում մտքի թռիչքների համար:
Առաջիկայում այսպիսի վերնագրեր կարող են լինել. օրինակ՝
«Ռ. Քոչարյանի փաստաբանների միջնորդությունը մերժելուց հետո օդի ջերմաստիճանը Արցախում կնվազի 3 աստիճանով»:
«Էլթոն Ջոնի հյուրախաղերի ավարտից հետո Գևորգ Պետրոսյանը դեմ քվեարկեց «Ընտանեկան օրենսգրքում» փոփոխություններ կատարելու նախագծին»:
«Վենետիկում խոշոր ջրհեղեղից հետո Հրայր Թովմասյանը հերթական արձակուրդն է վերցրել»:
«Սիրիայում հերթական C-400 հրթիռային համալիրը տեղադրելուց հետո Անի Զախարյանը ցանկություն է հայտնել հանդիպել Պուտինի հետ»:
«20 րոպեում հաղթանակը բաց թողնելուց հետո Վազգեն Մանուկյանը գարնանը կուսակցություն կբացի»:
Հրաշալի վերնագրեր են, ինչ խոսք: Քոչարյանականներից գոնե մի խելոք բան տեսանք: