««Պետք է փորձենք այս թիմով շարժում ձևավորել Հայաստանում։ Հուսով եմ, որ պատրաստ եք նման զարգացումների»,- ասել է Քոչարյանը իր համակիրներին ու հավելել: «Անելիքները շատ-շատ են, մեր ճանապարհը բարդ է, բայց անցանելի ճանապարհ է, և ես համոզված եմ, որ միասին, ձեր աջակցությամբ, ձեր պայքարով մենք հասնելու ենք մեր նպատակներին։ Ես հավատում եմ դրան»»,- գրում է «Հրապարակ» թերթը:
«ՉԻ». Փաստորեն Քոչարյանը խոստովանում է, որ երկու տարի ծախսած միլիոնավոր դոլարներն արդյունք չեն տվել, և ինքը ստիպված է շարժում ձևավորել այն «մատերիալից», որն ուներ երկու տարի առաջ: Շարժում ձևավորել մի քանի տասնյակ ծաղրածուներից, որոնց ծառայություններից անգամ հանրապետականներն էին խորշում օգտվել:
Առաջիկայում թերևս ստվերային կառավարություն էլ ձևավորեն:
Նարե Գրիգորյանին կնշանակեն բնապահպանության նախարար. չէ՞ որ նա ուզում է շնչել այն երկրի օդը, որը ղեկավարում է Քոչարյանը:
Նարեկ Մութաֆյանը կնշանակվի թմրաբիզնեսի դեմ պայքարի գործակալության պետ:
Քույրը՝ Անահիտը, կնշանակվի մշակույթի նախարար:
Ընտանեկան բիզնեսի մենեջեր Արեն Ապիկյանը, որը հպարտանում էր ռուսական անձնագրով, կնշանակվի ԱԱԾ պետ:
Լևոն Քոչարյանը՝ իբրև մեծ հաջողությունների հասած գործարար, կնշանակվի էկոնոմիկայի նախարար և կմշակի բարեփոխումների հայեցակարգ, թե ինչպես բանակից զորացրված երիտասարդները կարող են միանգամից միլիոնատեր դառնալ:
Գառնիկ Իսագուլյանը կրկին կնշանակվի Քոչարյանի խորհրդական:
Իր հերթին Արտյոմ Խաչատրյանը՝ Շիզոլինին, կնշանակվի Իսագուլյանի խորհրդական:
Ագնեսա Խամոյանը կնշանակվի Քոչարյանին կից ՊՈԱԿ-ի տնօրեն:
Կոնստանտին Տեր-Նակալյանը պրոպագանդայի նախարար:
Վիկտոր Սողոմոնյանը՝ առողջապահության նախարար: Ի վերջո, նա է ստիպված աշխատել այսքան հիվանդ մարդկանց հետ: