...Եվ ահա իջաւ (Սէրժը) Ձիթենեաց լերան գագաթից, ուր կանչուել էր տիրօջ խօսքը լսելու, և մարդկանց մէջ մտաւ, և ամէնքը նորա շուրջը խմբուեցին, որ տիրօջ խօսքն իրենց փօխանցուի։ Ամէն։ Եվ ամէնքը Սէրժին նայեցին, և ահա նորա ճակատը կապոյտ էր։ Եվ յաւաքուածներից մէկը խօսեց նորա առաջին, և ասաց. «Ահա քո ճակատը կապոյտ է, մի՞թե խոտոր ճանապարհի վրայ գայթեցիր, և ճակատդ գէտնին զարնուեց»։
Սա էլ պատասխանեց, և ասաց. «Անհաւատնե՛ր, մի՞թե կոյր եք և չեք տէսնում, որ տիրօջ առաջ երկրպագութիւն արեցի, և հինգ անգամ շնորհակալութիւն ասեցի, և ամէն անգամ ճակատս գէտնին զարկեցի, ինչպէս որ օրէն է։ Շնորհակալ եղայ նորա առաջին, որ ահա նորա զինուորը Գալիլեայի մէջ Իսրայելի որդիներից եօթը սպաննեց, և ահա թող տուեց, որ նորա պատկէրը տէսնենք։ Եվ դարձեալ շնորհակալ եղայ, որ ահա Փղշտացիները նորա տուած զէնքով մէզ վրայ յարձակուեցին, և ահա մէզ երկու հարիւր դահեկանի պարսատիկ ծախեց, որ գուցե թէ պաշտպանուենք։ Եվ դարձեալ շնորհակալ եղայ, որ ահա մէզ վրայ վէրակացու էր կարգել, և նորա վարձքը քսան և հինգ դահեկանով աւելացրեց, զի եթե նորա շահոյթը աւելանայ` գուցե թէ մէզ շատ չյալածի ամէնազօր խարազանով, որ եբրայերեն սակագին կօչուի։ Ապա և շնօրհակալութիւն յայտնեցի նորան, որ թող տուեց շնօրհակալութիւն յայտնել, և դարձեալ շնօրհակալ եղայ, որ վէրադառնում եմ սաղ-սալամաթ, և ճակատիս կապոյտը ոչ թէ վէրք է, այլ աշխատանքային մազօլ»։
... Եվ ամէնքը սորան լսեցին, և մէկը առաջ եկաւ, խօսեց նորա առաջին, և ասաց. «Լաւ էր քէզ, որ բնաւ Ձիթենեաց լեառը չբարձրանայիր, զի գրուած է, թէ մարդու գլուխը ոչ թէ գէտնին զարկելու համար է, այլ մտածելու»։ Եվ ամէնքը մի մարդու նման ասացին «ամէն»։
Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: