Այսօր` Հադրութում սեպտեմբերի 30-ին զոհված Արցախի հերոս, փոխգնդապետ Դավիթ Ղազարյանի ծննդյան օրը, Արարատի Վեդի քաղաքի ցուցանակից Ռոբերտ Քոչարյանի կողմնակիցները հանել էին Արցախի հերոսի նկարը և տեղադրել Ռոբերտ Քոչարյանի նախընտրական պաստառը։
«ՉԻ». Զարմանալի մարդիկ են այս քոչարյանականները: Լիքը տեղ կա, որ կարող են իրենց հերոսի պաստառները փակցնել, գնացել, հասել են Վեդի:
Օրինակ՝ խորհուրդ ենք տալիս անպայման պաստառ տեղադրել Մյասնիկյանի հրապարակում՝ Մարտի 1-ի զոհերի հուշարձանի հենց վերևը: Համ մարդաշատ է, համ էլ կհիշեցնի Քոչարյանի հերոսական անցյալի հերոսական էջերից մեկը:
Եռաբլուրի կողքերն էլ կարելի է տեղադրել. վատ չի նայվի, մեքենաների շարժն էլ մեծ է:
Վազգեն Սարգսյանի անվան փողոցում էլ պետք է տեղադրել. կենտրոն տեղ է ու հենց դատախազության առաջ:
Բաղրամյան պողոտայի մասին ընդհանրապես չենք խոսում. այդ պողոտայի համար Քոչարյանը տարիներ շարունակ այնքան միս ու արյուն է թափել, որ արժանի է թեկուզ 15 հատ պաստառ ունենալու: