«Կարին» ավանդական երգի-պարի խմբի հիմնադիր և գեղարվեստական ղեկավար, Հայաստանի մշակույթի վաստակավոր գործիչ Գագիկ Գինոսյանն իր պարային համույթով համերգ էր տալիս Դավիթաշենում. զոհված ազատամարտիկների հուշարձանի մոտ:
Փոքրիկ, համեստ, բայց տպավորիչ մշակութային միջոցառում էր, որն այնպես էր ոգևորել հավաքված բազմությանը, որ շատերը միացան պարային խմբին, և սկսվեց ավանդական քոչարին:
Այս դժգույն, դժբախտ ժամանակներում նման միջոցառումները միայն ողջունել է պետք: Գոնե մի քիչ ամենօրյա հոգսերից ցրվեն մարդիկ, էլի արդյունք է:
