Չէ, սա սահմանամերձ գյուղ տանող ճանապարհ չի: Սա Երևանի կենտրոնն է: Բայց գեղական ճամփեքով:
Ժամանակին Նորքով անցնող երկաթգիծը ապամոնտաժեցին, փոխարենը քաղաքի կենտրոնը շրջանցող ճանապարհ կառուցեցին, որ տրանսպորտային ծանրաբեռնվածությունը մի թեթև թուլացնեն:
Բայց հիմա այդ ճանապարհը իսկական աղետ ու պատուհաս է դարձել վարորդների համար: Մի հատ ճանապարհի վիճակը նայեք: Կողքից նայողը կմտածի, թե ճանապարհի կոնկրետ այս հատվածը ռմբակոծության է ենթարկվել: Վարորդները կամ պիտի մեքենաները ջարդուխուրդ անելով այս փոսերի վրայով անցնեն, կամ էլ մի հնարով այն շրջանցեն:
Բայց երկու դեպքում էլ երթևեկությունը խիստ դանդաղում է ու ահռելի, կիլոմետրանոց խցանումներ են առաջանում:
Տիգրան Ավինյանին փոխանցեք, որ համաձայն ենք. թող թեկուզ Ալեն Սիմոնյանի եղբայրը վերանորոգի ճանապարհը: Գիտենք, որ դուք այս ճանապարհից չեք օգտվում, որովհետև որ խցանման մեջ ընկնեք, ուղեկցող ոստիկանական մեքենաները չեն կարող ճանապարհ բացել, բայց իմացեք, որ այս ճանապարհով անցնող վարորդները հաստատ ձեզ են հիշում: Քաղցր խոսքերով: