05.07.2021   18:00
583

Թաքուն, համարյա պողպատյա


Հուլիսի 2-ին շրջանառության մեջ են դրվել Բարձր տեխնոլոգիաների արդյունաբերության նախարարության նախագծերը, որով առաջարկվում է արգելափակել պաշտոնյաների օտարերկրյա գործուղումների, պաշտոնյաների թռիչքների, մեկ անձից կատարվող գնումների վերաբերյալ տեղեկությունները:

Նախագծի հիմնավորումներում նշված է, թե ԲՏԱ նախարարությունը, համագործակցելով ԱԱԾ-ի հետ, ուսումնասիրել է  e-gov.am և govtravel.am կայքում ներկայացված զգայուն և ռիսկային տեղեկատվությունը:
Նախագծով կայացվել է որոշում մեկ անձից իրականացված գնումների հաշվետվություններում գնման առարկան, կատարման հիմքը, գնման պահանջի ծագման հիմքը և ամբողջական պայմանագրի պատճենը հեռացնել e-gov.am կայքից, քանի որ ԲՏԱ իրականացրած ուսումնասիրությունների արդյունքում դրանք համարվել են ռիսկային տվյալներ:

Այս նախագծով հանրությունը նաև չի կարողանա gov.travel.am կայքից տեղեկություն ստանալ պետական աշխատակիցների թռիչքների վերաբերյալ: Այդ թռիչքների վերաբերյալ հաշվետվությունը, ըստ հեղինակների, իր մեջ պարունակում է թռիչքի վերաբերյալ ամբողջական տեղեկատվությունը, համարվում է զգայուն տվյալ, քանի որ պարունակում են կիբեռ ռիսկեր:

«ՉԻ». Մալադեց: Զգում ենք, որ ընտրությունների արդյունքները եկել են այս իշխանությունների վրա: Միանգամից սկսել են պողպատյա նախագծեր ներկայացնել: Հա էլի, էդ ի՞նչ թիթիզ բան էր. հաշվետու լինել հանրությանը: Ընդհանրապես, ցանկացած հաշվետվություն իր մեջ ռիսկեր է պարունակում: Դնում են, կարդում, ուսումնասիրում են այդ հաշվետվությունը, քթիմազություն անում, մեջը կեղտ փնտրում, անուն կպցնում, հետո պիտի դրա համար պարզաբանում տաս, ժամանակ ծախսես: 

Իսկ այսպես, շրըխկ, փակում ես ողջ ինֆորմացիան, ու միանգամից այդ հոգսից ազատվում ես: Ոնց որ աֆրիկյան բոլոր առաջադեմ երկրներում: 

Հիմա արդեն կարելի է հանգիստ մեկ անձի հետ գնումների ցանկացած գործարք անել: Թե ով է այդ անձը, ում բաջանաղն է, ում աներձագը կամ փեսան, էլ չենք իմանա: Չենք իմանա՝ ինչ գնով, ինչ որակի գնումներ են արվել, ինչի՞ հատկապես այդ անձից: Իսկ եթե չիմանանք, ուրեմն, չենք կարող կասկածել մեր իշխանությունների ազնվության վրա: Որովհետև հիմքեր չեն լինի: Ու կստացվի, որ շատ ազնիվ ու արդար են այս իշխանությունները: Ռիսկով կարող ենք մենակ գովաբանել:

Հիմա արդեն նաև կարող են աջուձախ ճանապարհորդել, որտեղ խելքները փչի, ելույթ ունենալ, համաձայնագրեր ստորագրել, մեկ է, ձև չունենք դա տեսնելու: Հետևաբար, այսուհետ կունենանք նաև հայրենասեր իշխանություն, քանի որ հակառակն ապացուցող փաստեր չեն լինի:

Հ.Գ. Իմիջիայլոց, պետական պաշտոնյաների օտարերկրյա գործուղումների մասին տեղեկության հրապարակումը ՀՀ կառավարության մի քանի տարի առաջ ստանձնած հանձնառությունն է Բաց կառավարման գործընկերության շրջանակներում: Այսինքն՝ դա միջազգային պարտավորություն է: 2011թ. սեպտեմբերին Հայաստանը միացել է «Բաց կառավարման գործընկերություն» նախաձեռնությանը, ընդունել Գործողությունների երեք ծրագիր՝ 2012-2014, 2014-1016 և 2016-2018 թվականների համար: Բա:



 Պիտակներ



››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 6479