Երեքշաբթի 19.10.2021 13:20

21.09.2021   21:00
2269

Թող Քոչարյանը ամաչի


Փաստաբան Տիգրան Աթանեսյանը ֆեյսբուքյան գրառմամբ անդրադարձել է այսօր հրապարակված ՄԻԵԴ վճռին, որով ՀՀ կառավարությունը «Հայկական ժամանակ» օրաթերթին պետք է 9 000 դոլար վճարի։ Աթանեսյանն այն փաստաբանն է, որ «Հայկական ժամանակի» գանգատը ներկայացրել է Եվրոպական դատարան։ 

«Անկախության օրը Մարդու իրավունքների եվրոպական դատարանը հրապարակել է վճիռ, որով իմ կողմից դեռևս 2008 թվականին «Դարեսկիզբ» ՍՊԸ («Հայկական ժամանակ» օրաթերթ) անունից ներկայացված գանգատն ընդդեմ ՀՀ երկրորդ նախագահ Ռ. Քոչարյանի 2008 թվականի մարտի 1-ի հրամանագրի, բավարարվել է:

ՄԻԵԴ-ը այս գործով գտել է, որ հրամանագրով խախտվել է Մարդու իրավունքների և հիմնարար ազատությունների պաշտպանության մասին կոնվենցիայի 10-րդ հոդվածը, դիմողի նկատմամբ խախտվել է նաև 6 հոդվածը՝ ներպետական դատարանները եղել են անհասանելի:

Իրավական առումով սա նշանակում է, որ մարտի 1-ի արտակարգ դրություն հայտարարելու հրամանագիրը այլևս օրինական չէ, և սա կարող է հանգեցնել Ռոբերտ Քոչարյանի նկատմամբ նոր քրեական հետապնդումների:

Այն ժամանակ գործել եմ վստահությամբ, որ գանգատի բավարարումը կօգնի իմ երկրին լավ պետություն կառուցելու գործում: Հիմա, ազգային աղետից հետո, որը կազմակերպեց և իրագործեց «Հայկական ժամանակ» օրաթերթի գլխավոր խմբագիրը, ունեմ շատ խառը զգացմունքներ այս վճռի վերաբերյալ և խնդրում եմ ինձ չշնորհավորել»:

«ՉԻ». Միանգամից ասենք, որ Տիգրան Աթանեսյանը ամաչելու կամ վատ զգալու բան չունի: Ամաչելու բան ունի Ռոբերտ Քոչարյանը, որ Անկախության 30-ամյակի օրով այսպիսի նվեր է անում Հայաստանին՝ պետության բյուջեին հերթական անգամ հարվածելով:

Փաստաբանն իր աշխատանքն է կատարել: Դա իր պարտականությունն է: Եթե կուզեք՝ առաքելությունն է պաշտպանել օրենքը: Հետամուտ լինել, որ մարդը, իրավաբանական անձը ապօրինությունների չենթարկվի: Անկախ նրանից, թե ով է այդ մարդը: Այդ առումով, Տիգրան Աթանեսյանը գտնվել է իր բարձրության վրա և լավ է կատարել իր մասնագիտական պարտավորությունները, եթե նրա կազմած գանգատը ՄԻԵԴ-ը բավարարել է: 

Այն ժամանակ փաստաբանը պաշտպանել է լրագրող, խմբագիր Նիկոլ Փաշինյանի շահերը, ոչ թե վարչապետ Նիկոլ Փաշինյանի: Այն ժամանակ Նիկոլի ճակատին գրված չի եղել, որ Հայաստանն ու Արցախն էս օրն է գցելու: Ավելին ասենք, եթե վաղը, օրինակ՝ Նիկոլ Փաշինյանին դատեն, նույն Տիգրան Աթանեսյանը կարող է նորից նրա շահերը ներկայացնել, եթե փաստաբան է, ոչ թե քաղաքական գործիչ: 

Իսկ Քոչարյանը թող մտածի իր արածների մասին, որի հետևանքները մինչև հիմա տեսնում ենք: 
 



 Պիտակներ

         Նիկոլ Փաշինյան, Ռոբերտ Քոչարյան, Տիգրան Աթանեսյան, ՄԻԵԴ

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 9031




























Հերքում
Հերքում
12.10.2021 / 1401

Պողոսի երազը
Պողոսի երազը
12.10.2021 / 1321