Գիշերը ոստիկանները Էրեբունու բաժնի ոստիկնապետի գլխավորությամբ ներխուժել են «Վստրեչի Ապեր» մականունով հայտնի Արամ Վարդանյանի և նրա հարազատներին պատկանող տներ:
Կոտրել են նրա աղջկան պատկանող տան լուսամուտը, փորձել ջարդել դռները, տակնուվրա արել ննջասենյակը, պահարանները: Արամ Վարդանյանի փաստաբան Լուսինե Սահակյանը լրագրողների հետ զրույցում հայտնեց, որ ոստիկանների հեռանալուց հետո տանից բացակայել է Արամ Վարդանյանի ոսկե շղթան և օգտագործած օծանելիքը:
Ոստիկանների ներխուժումից հետո Վստրեչի Ապերի 5-ամյա աղջիկ թոռը չի խոսում:
«Սա վայրագություն էր։ Երբ մտա այս տուն և բարձրացա երկրորդ հարկ, տեսա, որ ննջարանում Արամ Վարդանյանի 5 տարեկան թոռը՝ աղջիկ երեխա, մոր գրկում դողում է, իսկ ննջարանում դիմակավորված ու զենքերը բաց վազվզող ոստիկաններ, դա ուղղակի զարհուրելի էր»,- փոխանցեց փաստաբան Երվանդ Վարոսյանը:
«ՉԻ»-ի տպավորությամբ ոստիկանության այցն ավելի շատ նմանվում էր հրոսակախմբի հարձակման:
Տարածված կարծիք կա, որ խուզարկությունների ժամանակ շատ հաճախ գողության դեպքեր են լինում:
Լուսանկարներ՝ դեպքի վայրից:
