Կենտրոն վարչական շրջանի նախկին ղեկավար, «Հաղթանակ» կուսակցության քաղաքապետի թեկնածու Վիկտոր Մնացականյանը Երևանի ավագանու առաջիկա ընտրություններին ընդառաջ առաջարկել է, որ Երևանում հասարակական տրանսպորտը լինի անվճար։
«ՉԻ». Միանգամից ասենք, որ մենք մեր ձայնը տալու ենք Վիկտոր Մնացականյանին: Շատ լավ մարդ է:
Եթե, իհարկե, չհայտնվի մեկ այլ թեկնածու, որը կխոստանա, որ կարող ենք էլեկտրական ինքնագլորներից անվճար օգտվել: Սրտներիս ուզածի չափ:
Դե, իսկ եթե հանկարծ ինչ-որ մեկը խոստանա անվճար Յանդեքս-տաքսի, դա մեր սրտի թեկնածուն կլինի, հավերժ իրեն կապահովենք անվճար տրանսպորտով, ամեն օր իր էջը կլայքենք:
Բայց դուք դեռ շարունակեք խոստանալ, կարող է ավելի լավ առաջարկներ լինեն: