Երևանի քաղաքապետի թեկնածու Վիկտոր Մնացականյանն ասել է. «Երևանի դպրոցներում համազգեստը պետք է լինի պարտադիր և անվճար»:
«ՉԻ». Գիտենք, գիտենք, այնտեղ ՄԱԿ-ի Անվտանգության Խորհրդի նիստ է եղել, բայց մեր անուշ ախպեր Մալթայի ու Եվրատեսիլի մյուս մասնակիցների մասին դեռ կհասցնենք խոսել: Առանց մեզ էլ լիքը խոսող կա:
Բայց դեմներս Երևանի ընտրություններ են, էս պատմական շանսը պետք է բաց չթողնենք: Ոնց հասկացանք, ընտրություններից հետո կոմունիզմ է հաստատվելու:
Անվճար տրանսպորտին ավելանալու է նաև անվճար համազգեստը: Պայմանով, որ մեր երեխաները դա պետք է պարտադիր հագնեն: Սովետի փլուզումից հետո սրա մասին ոչ ոք չէր խոսում:
Բայց ահա հայտնվեց Վիկտոր Մնացականյանը, ու կոմունիզմի ուրվականը սկսեց ֆռֆռալ Երևանի փողոցներում: Մենակ թե ձրի պանիր չխոստանա, վերջում երևանյան թակարդն ընկնենք: