ՀՀ արդարադատության նախկին նախարար Գևորգ Դանիելյանը գրել է. «Դաժան ճակատագրի հեգնանք՝ չուզեցիք ՓՈՒԼԱՅԻն, կստանաք ՓԱԹԵԹԱՅԻՆ, բայց արդեն այնպիսին, որում անգամ ակնարկ չի լինի Արցախի մասին»:
«ՉԻ». Մի շտապեք զարմանալ, որ Գևորգ Դանիելյանը որոշել է մեջբերումներ անել Տեր-Պետրոսյանի հոդվածներից, «Պատերազմ, թե՝ խաղաղությունից», փուլային և փաթեթային լուծումների տարբերության վերաբերյալ վերլուծություններից:
Որովհետև անհասցե է գրել: Պարզ չէ, թե ում է ասում: Եվ պարզ չէ՝ ինքը հասկացե՞լ է վերջապես, թե որն է փուլայինի և փաթեթայինի տարբերությունը:
Հակառակ դեպքում թող հստակ նշեր, որ խոսքը վերաբերում է ընդդիմությանը, որը, մերժելով արժանապատիվ խաղաղությունը, վարի էր տալիս Հայաստանն ու Արցախը, և իշխանությանը, որը, մերժելով արժանապատիվ խաղաղությունը, վարի է տալիս Հայաստանն ու Արցախը:
Թե չէ ստացվում է, որ գոյություն ունեն ինչ-որ գերբնական ուժեր, որոնք չուզեցին ՓՈՒԼԱՅԻՆ ու ստացան ՓԱԹԵԹԱՅԻՆ:
Գոնե մի անգամ ա-ն ասում եք, մի նեղվեք, բ-ն էլ ասեք: