Դերասան Գնել Սարգսյանը հայտարարել է, որ դուրս է գալիս ՔՊ կուսակցությունից: «Երբեք չեմ եղել անձապաշտ, չեմ եղել նիկոլական ու մարդկանց էլ խորհուրդ եմ տվել չլինել ինչ-որ մեկական»,- ֆեյսբուքյան եթերում ասել է նա։
«ՉԻ». Հա, ոնց որ մոդա է դարձել. հիմա ով դուրս է գալիս ՔՊ-ից, անպայման շեշտում է, որ նիկոլական չի եղել:
Մի երկու ամիս հետո ՔՊ-ից դուրս եկածները կհայտարարեն, որ ընդհանրապես ՔՊ-ի անդամ չեն եղել, կամ էլ զոռով, վախեցնելով են անդամագրել:
Իսկ կես տարի հետո նախկին քպ-ականներն արդեն կհայտարարեն, որ հայրենիքը վտանգի մեջ է:
Մի տարի հետո էլ կհայտարարեն, որ հայրենիքը փրկելու համար կուսակցություն են ստեղծում:
Աչքով տեսածն ենք ասում: