Ռազմական փորձագետ Դավիթ Ջամալյանն ասել է. «Նիկոլ Փաշինյանը ոչ միայն պատասխանատվությունն իր վրայից ցրում է, այլև հակառուսական տրամադրություններ է գեներացնում: Բայց պատասխանատուն միայն ինքը չի. կար Աշոտ Բլեյանը, որը այդ նույն հանձնողական թեզերով սերունդ էր պատրաստում, կա, ի վերջո, Տեր-Պետրոսյանի թիմը, որն այս գաղափարական հենքով առաջ էր մղվում, ի դեպ, ես չեմ հավատում, որ այս թիմերի մեջ տարբերություն կա՝ թեզերը նույնն են»:
«ՉԻ». Որպեսզի հասկանալի լինի այս անձնավորության մակարդակը, ընդամենը մի բան ասենք. դուք երբևիցե լսած կա՞ք, որպեսզի բանակում չծառայած մարդը ռազմական փորձագետ համարվի: Նման նոնսենս երևի միայն Հայաստանում կարող է լինել: Դավիթ Ջամալյանը բանակում չծառայելով՝ ոչ միայն ռազմական փորձագետ է համարվում, այլ նաև ժամանակին հասցրել է ՀՀ ՊՆ նախարար Սեյրան Օհանյանի խորհրդականը լինել: Սա էլ ձեզ՝ Սեյրան Օհանյանի վարած կադրային քաղաքականությունն ու բանակի հանդեպ վերաբերմունքը:
Սա նույնն է, որ մեկը իրեն օրթոպեդ համարի, բայց ավարտած լինի գյուղինստիտուտը, մյուսը ներկայանա որպես ֆիզիկոս, թեպետ խառատի գծով պրոֆտեխուսումնարանում է սովորել:
Դավիթ Ջամալյանը միայն այս փաստով է հայտնի: Դու մի հատ կայացիր, հետո խոսիր մարդկանց մասին, որոնց անուն տալը՝ քո շուրթերից, արդեն իսկ անպատվաբեր է: Տղա ջան, ընդամենը 2 օր առաջ Հայաստանում Ռուսաստանի դեսպանը գնացել ու 1,5 ժամանոց հանդիպում է ունեցել Լևոն Տեր-Պետրոսյանի հետ: Դժվար թե հակառուսական տրամադրություններ առաջացնող մարդու հետ հանդիպեր: Սրա խելքը այդքան չի կտրում, որ հասկանա, որ իր այս զառանցանք հիշեցնող մտքերով Ռուսաստանին է վիրավորում, որովհետև ստացվում է, որ ռուս դեսպանը հակառուս գործչի հետ է հանդիպում:
Ինչ վերաբերում է նրան, որ Նիկոլ Փաշինյանն ու Տեր-Պետրոսյանը գաղափարակիցներ են... մեկ մտածում էինք, արժե՞ ընդհանրապես այս էժանագին ու մանր խոսքերը մեկնաբանել: Նիկոլ Փաշինյանը ձեր գաղափարակիցն է, բանակում չծառայած ռազմական փորձագետ ջան: Ինքն էլ բանակում չի ծառայել, դու էլ: Ինքն էլ է ասել ոչ մի թիզ, դու էլ: Չեղա՞վ, որ քո գաղափարակիցն է:
Մի խոսքով, մի հոգեբան ճարեք Դավիթ Ջամալյանի համար: