ՀՀ Քննչական կոմիտեն հայտնել է, որ Երևանի իրենց առանձնատանը ձերբակալվել է հետախուզման մեջ գտնվող Տիգրան Խաչատրյանը՝ Սյունիքի նախկին մարզպետ Սուրիկ Խաչատրյանի որդին: Վերջինս մեղադրվում է Գորիսի բնակչին հրազենով վիրավորելու համար։
«ՉԻ». Պետք է մի քիչ սրբագրել ՔԿ-ի հաղորդագրությունը: Ոչ թե ձերբակալել են, այլ որոշել են ձերբակալել Լիսկայի որդուն:
Որովհետև եթե մարդուն իր տանն են ձերբակալում, նշանակում է՝ այնքան էլ չի հետախուզվել: Հետախուզելիս առաջին հերթին մարդու տունն են ստուգում:
Չնայած, Սուրիկ Խաչատրյանն էնքան անշարժ գույք ունի, հնարավոր է՝ մինչև հատ-հատ ստուգել են, այդպես մի քանի ամիս անցել է:
Բոլոր դեպքերում, դարդ մի արեք, Տիգրան Խաչատրյանին ազատ են արձակելու: Վիճակագրությունը ցույց է տալիս, որ իրեն ինչքան բռնել են, ճիշտ այդքան էլ բաց են թողել: