Սերժ Սարգսյանը հարցազրույց է տվել անգլիական «Independent» պարբերականին, որտեղ մասնավորապես արտահայտել է նաև հետևյալ միտքը. «Երեք շաբաթվա ընթացքում նրանց հաջողվել է ընդամենը մեկ ուղղությամբ բավականին խորանալ»:
«ՉԻ». Հետո էլ տնային տնտեսուհիներից ու դիվանային ռազմագետներից ենք բողոքում: Փաստորեն, Սերժ Սարգսյանն էլ չի հասկացել, թե ինչ ռազմավարություն է կիրառում հայկական բանակը:
Թերևս Արծրուն Հովհաննիսյանը ժամանակ գտնի և մի առանձին դասախոսություն էլ կարդա երբեմնի գերագույն գլխավոր հրամանատարի համար: Բացատրի, թե ինչ է 5-րդ սերնդի պատերազմը, քարտեզի վրա թուղթ ու գրիչով ներկայացնի, որ խորանալը դա ամրապնդվել չէ:
Մի խոսքով՝ անի այն, ինչ անում է ամեն օր ՀՀ քաղաքացիների համար, բայց, հաշվի առնելով Սարգսյանի նախկին կարգավիճակը, նրա հետ անհատական պարապմունք անցկացնի: